Sonia Gandhi: రాజ్యసభ సభ్యురాలిగా ఏకగ్రీవంగా ఎన్నికైన సోనియా గాంధీ

Sonia Gandhi was unanimously elected as a member of the Rajya Sabha

Sonia Gandhi: కాంగ్రెస్ అగ్రనేత సోనియా గాంధీ(Sonia Gandhi) మొదటి సారి రాజ్యసభ(Rajya Sabha)లో అడుగుపెట్టనున్నారు. రాజస్థాన్ కోటాలో రాజ్యసభ బరిలో నిలిచిన విషయం తెలిసిందే. ఈ మేరకు రాజ్యసభ సభ్యురాలిగా సోనియా గాంధీ ఏకగ్రీవంగా ఎన్నికయ్యారు. ఇదే విషయాన్ని రాజస్థాన్ అసెంబ్లీ కార్యదర్శి ప్రకటించారు. రాజస్థాన్‌లో మూడు రాజ్యసభ స్థానాలు ఖాళీ అవడంతో నోటిఫికేషన్ జారీ చేశారు. మన్మోహన్ సింగ్ (కాంగ్రెస్), భూపేంద్ర యాదవ్ (బీజేపీ)ల పదవీకాలం ఏప్రిల్ 3తో ముగియనుంది. రాజస్థాన్‌లో జరిగిన అసెంబ్లీ ఎన్నికల్లో బీజేపీ సభ్యుడు కిరోడి లాల్ మీనా ఎమ్మెల్యేగా ఎన్నికవడంతో, తన రాజ్యసభ సభ్యత్వానికి రాజీనామా చేశారు.

చదవండి:Jayalalitha Gold: ట్రంకు పెట్టెలు తెచ్చుకుని.. బంగారం తీసుకెళ్లమని కోర్టు ఆదేశం!

మొత్తం మూడు స్థానాలలో సోనియా గాంధీ, చున్నీలాల్ గరాసియా (బీజేపీ), మదన్ రాథోడ్ (బీజేపీ) బరిలో నిలిచారు. వీరికి పోటీగా ఇతరులెవరూ పోటీచేయకపోవడంతో ఈ ముగ్గురు ఏకగ్రీవంగా ఎన్నికైనట్టు రాజస్థాన్ అసెంబ్లీ కార్యదర్శి మహావీర్ ప్రసాద్ శర్మ తెలిపారు. సోనియా గాంధీ 1999 (అమేథి/బళ్లారి), 2004 (రాయ్ బరేలీ), 2006 (రాయ్ బరేలీ), 2009 (రాయ్ బరేలీ), 2014 (రాయ్ బరేలీ), 2019 (రాయ్ బరేలీ) పార్లమెంటరీ స్థానాల్లో లోక్ సభకు ఎన్నికయ్యారు. ఇప్పుడు తొలిసారి పెద్దల సభకు ఎన్నికయ్యారు.

చదవండి:Maratha Reservation Bill: అసెంబ్లీలో మరాఠా రిజర్వేషన్‌ బిల్లుకు ఆమోదం