Kishan Reddy and Bandi Sanjay are two from Telangana in the central cabinet
Central Cabinet: మరికొన్ని గంటల్లో మోడీ ప్రధానిగా ప్రమాణస్వీకారం చేయనున్నారు. ఆయనతో పాటు కేమినెట్‌లోని మంత్రులు సైతం ప్రమాణం చేస్తారు. ఈ నేపథ్యంలో దేశవ్యాప్తంగా ఉత్కంఠత నెలకొంది. ఈ సారి ఆయన కేబినెట్‌లో ఎవరెవరికి స్థానం కల్పిస్తారు అని దేశం అంతా ఎదురుచూస్తోంది. అంతేకాదు ఎప్పుడూ లేని విధంగా తెలంగాణలో బీజేపీ 8 ఎంపీ సీట్లు కైవసం చేసుకుంది. దాంతో కేంద్రకేబినెట్‌లో ఎవరెవరికి మంత్రి పదవులు దక్కుతాయని తెలంగాణ ప్రజలు ఆసక్తిగా ఎదురుచూస్తున్నారు. ఈ తరుణంలో ఇద్దరు ఎంపీలను తేనీటి విందుకు ఆహ్వానం అందడంతో వారికి మంత్రి పదవులు దక్కుతాయని తెలుస్తుంది. సికింద్రాబాద్ ఎంపీ జీ కిషన్ రెడ్డి, కరీంనగర్ ఎంపీ బండి సంజయ్‌లకు కేబినెట్ స్థానం దక్కనున్నట్టు సమాచారం.
చదవండి:Sonia Gandhi : కాంగ్రెస్ పార్లమెంటరీ పార్టీ చైర్‌పర్సన్‌గా మరోసారి సోనియా గాంధీ ఎన్నిక
లోక్‌సభ ఎన్నికల ఫలితాల్లో తెలంగాణలో బీజేపీ 8 ఎంపీ సీట్లను గెలుచుకుంది. దీంతో మంత్రి పదవులు ఎవరెవరికి దక్కనున్నాయనే ఆసక్తి నెలకొంది. కిషన్ రెడ్డి, బండి సంజయ్‌, డీకే అరుణ, ఈటల రాజేందర్, రఘునందన్ రావు పేర్లు వినిపించాయి. ఈ నేపథ్యంలో ఇద్దిరికే ఫోన్ రావడంతో మిగితా వారికి కూడా సముచిత స్థానం కల్పిస్తారు అని బీజేపీ శ్రేణులు అభిప్రాయపడుతున్నారు. మోడీ 3.0 ప్రభుత్తం మరికొన్ని గంటల్లో కొలువు తీరనుంది. ఈ రోజు రాత్రి 7 గంటల 15 నిమిషాలకు రాష్ట్రపతి భవన్‌లో నరేంద్ర మోడీ, కేబినెట్ మంత్రులు ప్రమాణం చేయనున్నారు.
చదవండి:Modi 3.0 : మోడీ క్యాబినెట్లో జేడీయూ, టీడీపీ, ఆర్ఎల్డీ పార్టీలకు చోటు.. ఏ పార్టీకి ఎన్ని పదవులంటే ?
