Tripti Dimri is giving the boy sleepless nights by rushing with a series of offers.
Tripti Dimri: దేశ వ్యాప్తంగా కుర్రకారు మనసులను దోచుకున్న ముద్దుగుమ్మ రష్మిక .. కొన్నేళ్ల క్రితమే నేషనల్ క్రష్ ట్యాగ్‌ను సొంతం చేసుకుంది. కొంత కాలం పాటు ఆ స్టేటస్‌ను ఎంజాయ్ చేసింది. ప్రస్తుతం ఆ ప్లేస్‌ను రీప్లేస్‌ చేసే మరో ముద్దుగుమ్మ వచ్చేసింది. వరుసపెట్టి అవకాశాలను దక్కించుకుంటోంది. అందాల ఆరబోతకు గ్రీన్ సిగ్నల్ ఇచ్చేస్తోంది. దీంతో ఆమెకు క్రేజ్ బాగా పెరిగిపోయింది. ఇంతకీ ఆ క్రేజీ భామ ఎవరు? ఇప్పటి వరకు ఏ ఏ సినిమాల్లో నటించింది? నేషనల్ క్రష్ అని అనిపించుకునేంతగా ఆమె ఎలా ఎదిగింది? లెట్స్ వాచ్ దిస్ స్టోరీ.
చదవండి:Mahesh babu: హాట్.. హాలీవుడ్‌కి మించిన కటౌట్!
యానిమన్ మూవీతో త్రిప్తి దిమ్రీ లైఫ్ .. ఒక్కసారిగా మారిపోయింది. అంతకు మూడు నాలుగు సినిమాలు చేసిన దిమ్రీకి యానిమల్ సినిమా బిగ్ బ్రేక్ ఇచ్చింది. రొమాంటిక్ సన్నివేశాల్లో ఆమె ఎంతో ఆకర్షణీయంగా నటించి కోట్లాది మంది హృదయాలను కొల్లగొట్టింది. యానిమల్ సినిమా ద్వారా ఆమె దేశ వ్యాప్తంగా అభిమానులు సంపాదించుకుంది. ఆమెను నేషనల్ క్రష్ అంటూ ఆకాశానికి ఎత్తేస్తున్నారు అభిమానులు. యానిమల్ సినిమా తర్వాత ఆమెకు వరుస ఆఫర్లు వస్తున్నాయి. దీంతో ఒక్కసారిగా ఆమె లైఫ్ స్టయిల్ కూడా మారిపోయింది. ముంబైలోని బాంద్రాలో 14 కోట్లు పెట్టి ఓ ఖరీదైన ఇళ్లు కొనుగోలు చేసింది.
తాజాగా విక్కీ కౌశల్‌తో బ్యాడ్ న్యూజ్‌ అనే సినిమాలో నటిస్తోంది. ధర్మ ప్రొడక్షన్స్ నిర్మిస్తున్న బ్యాడ్ న్యూస్ సినిమా జూలై 19 విడుదల కాబోతోంది. ఈ సినిమాలో హీరోగా విక్కీ కౌశల్ లీడ్ రోల్ పోషిస్తుండగా ఆయన సరసన త్రిప్తి డిమ్రీ, అమీ వర్క్ ప్రధాన పాత్రల్లో నటించారు. ఆ సినిమాకు చెందిన ఒకటి రెండు సాంగ్స్ ఇటీవలే విడుదలై మంచి రెస్పాన్స్ దక్కించుకున్నాయి. త్రిప్తి దిమ్రీ అందాల విందుకు ఫ్యాన్స్ మరోసారి ఫిదా అయ్యారు.
ఇప్పటికే ఈ సినిమా నుంచి విడుదలైన పోస్టర్, ట్రైలర్లు సినిమాపై ఆసక్తిని పెంచగా.. తాజాగా విడుదలైన రెండు పాటలను చూస్తే మాత్రం సినిమాకు మరింత డోస్ పెంచేలా ఉన్నాయి. మొదటి పాట తౌబా తౌబా కి మంచి రెస్పాన్స్ రాగా రెండో పాట మరింత గ్లామరస్‌గా ఉంది. ప్రస్తుతం ఈ వీడియో సోషల్ మీడియాను షేక్ చేస్తోంది. ఈ పాటలో హీరో హీరోయిన్స్ చాలా బోల్డ్‌గా నటించారు. ఈ పాటలో చాలా బెడ్రూమ్ సీన్స్ కూడా ఉండడంతో ఒక్కసారిగా టాక్ ఆఫ్ ది టౌన్‌గా మారిపోయింది. ఇప్పటివరకు ఏ బాలీవుడ్ సినిమాలోనూ ఇలాంటి బోల్డ్ సీన్స్ ఉండకపోవడంతో అభిమానులు ఆశ్చర్యం వ్యక్తం చేస్తున్నారు.
ఇక త్రిప్తి దిమ్రీ సినీ కెరీర్‌ను పరిశీలిస్తే.. 2017లో పోస్టర్ బాయ్స్ అనే హిందీ సినిమాతో బాలీవుడ్‌లో ఎంట్రీ ఇచ్చింది. శ్రేయా తల్పాడే దర్శకత్వం వహించిన పోస్టర్ బాయ్స్ సినిమా ఆమెకు పెద్దగా గుర్తింపు రాలేదు. 2018లో వచ్చిన లైలా మజ్ను కూడా ఆమె కెరీర్‌కు పెద్దగా కలిసి రాలేదు. 2020లో వచ్చిన బుల్‌బుల్ మూవీ పర్వాలేదనిపించింది. ఇక 2022లో వచ్చిన కళా మూవీ త్రిప్తికి ప్రత్యేక గుర్తింపు తీసుకువచ్చింది. సందీప్‌ వంగా దృష్టిలో పడింది. తను తీస్తున్న యానిమల్ మూవీలో త్రిప్తికి ఓ స్పెషల్ క్యారెక్టర్ ఇచ్చాడు. ఆ అవకాశమే ఆమె సినీ కెరీర్‌గా మార్చేసింది. రాత్రికి రాత్రే ఆమెకు స్టార్డమ్‌ వచ్చేసింది. వరుస పెట్టి ఆఫర్లు రావడంతో ఆమె తన రెమ్యూనిరేషన్ కూడా అమాంతంగా పెంచేసింది. తాజాగా విక్కీ కౌశల్‌లో నటించిన బ్యాడ్ న్యూజ్‌ సినిమాకు భారీగానే వసూలు చేసిందనే టాక్ వినిపిస్తోంది.
త్రిప్తి చేతిలో ప్రస్తుతం ఆరు సినిమాలు ఉన్నాయి. కార్తీక్ ఆర్యన్ సరసన భూల్ బులయ్య 3 అనే సినిమాలో అవకాశం దక్కించుకుంది. అదే విధంగా సిధ్దాంత్ చతుర్వేది సరసన ధడక్ 2 సినిమాలో కూడా నటిస్తోంది. అదే విధంగా ఆనంద్ రాయ్‌ ట్రాజెడీ మూవీ తేరే ఇష్క్ మే సినిమాలో కూడా ఛాన్స్ కొట్టేసింది.
చదవండి:RC16.. కరుణడ చక్రవర్తికి స్వాగతం!
