క్రసెంట్ సినిమాస్, కృష్ణ ప్రొడక్షన్స్ సంయుక్తంగా నూతన దర్శకుడు ఇషాన్ దర్శకత్వంలో తెరకెక్కుతోన్న చిత్రం ‘అంతం కాదిది ఆరంభం(Antham Kadidi Aarambam). పవర్ ఫుల్ టైటిల్‌తో తెరకెక్కుతున్న ఈ చిత్రాన్ని ప్రభు పౌల్‌రాజ్, సిరాజ్ ప్రతిష్టాత్మకంగా నిర్మిస్తున్నారు. తాజాగా ఈ చిత్ర టైటిల్ లుక్ పోస్టర్‌ని టాలెంటెడ్ యాక్టర్ జె.డి. చక్రవర్తి(jd chakravarthy) ఆవిష్కరించి.. చిత్ర యూనిట్‌కు శుభాకాంక్షలు తెలిపారు.
టైటిల్ చూడగానే.. అరే ఇంత మంచి టైటిల్(tittle)ని ఇప్పటి వరకు అంతా మిస్ అయ్యారేంటి? అని అనిపించిందని జె.డి. చక్రవర్తి అన్నారు. అందుకే నిర్మాత సిరాజ్‌ని టైటిల్ రిజిస్టర్ చేయించారా? అని అడిగారు. ఒకవేళ చేయించకపోతే నేను కొట్టేసేవాడినని చమత్కరించారు. కథలు కొట్టేయడం కామన్. ఇవాళ సరైన టైటిల్ దొరకడం లేదు. ‘అంతం కాదిది ఆరంభం’ అనేది పాజిటివ్ అండ్ అద్భుతమైన టైటిల్.
తాను చిన్నతనంలో ఉన్నప్పుడు ఇదే టైటిల్‌తో సూపర్‌స్టార్ కృష్ణ(krishna) గారు సినిమా చేశారు. విజయనిర్మల‌గారు ఆ సినిమాకి డైరెక్టర్. హైదరాబాద్ సుదర్శన్ 70MMలో రిలీజైంది. ఏంటీ.. గూగుల్ చూసి చెబుతున్నానని అనుకుంటున్నారేమో కాదు. నేనప్పుడు ఆ థియేటర్‌లో సినిమా చూశాను కాబట్టి చెబుతున్నానని వెల్లడించారు. ఈ టైటిల్ చూస్తుంటే ఇది మంచి సినిమా అని ఖచ్చితంగా నమ్మవచ్చు. కొత్త బృందం కలిసి చేస్తున్న ఈ చిత్రం ఘన విజయం సాధించి.. అందరికీ మంచి పేరు తెచ్చిపెట్టాలని అందరికీ ఆల్ ద బెస్ట్ చెప్పారు.
ఈ చిత్రంలో ఇషాన్, ప్రణాళి, రాకెట్ రాఘవ, ప్రవీణ్, కరాఠే కళ్యాణి, గీతాసింగ్, నాగ మహేష్ తదితరులు నటించారు.
కెమెరా: టి. శ్రీనివాసరావు
డైలాగ్స్: రాజేంద్ర, భరద్వాజ్
ఎడిటర్: నాగిరెడ్డి
ఎగ్జిక్యూటివ్ ప్రొడ్యూసర్: కర్రి మోహన్
సెకండ్ యూనిట్ డైరెక్టర్: శివ బాలన్
సంగీతం: వినోద్ యాజమాన్య
పీఆర్వో: బి. వీరబాబు
నిర్మాతలు: ప్రభు పౌల్‌రాజ్, సిరాజ్
స్క్రీ‌న్‌ప్లే, దర్శకత్వం: ఇషాన్
