టాలీవుడ్‌లోని ప్రముఖ హాస్య నటులు సునీల్, వెన్నెల కిషోర్, ధనరాజ్, వైవా హర్ష సహా పలువురు కలిసి నటించిన భువన విజయం మూవీ ట్రైలర్ నేడు విడుదలైంది. ఇటీవలే విడుదలైన టీజర్‌కు మంచి బజ్‌ రావడంతో ఈ సినిమాపై అంచనాలు ఏర్పడ్డాయి. ఇప్పుడు రిలీజ్ డేట్ దగ్గర పడుతుండడంతో మేకర్స్ ట్రైలర్‌ని రిలీజ్ చేశారు.
భువన విజయం ట్రైలర్ ఒక ఆసక్తికరమైన అంశంతో ప్రారంభమవుతుంది. ఇద్దరు యమదూతలు ఒక వ్యక్తిని యమ లోకానికి తీసుకెళ్లాలి, బదులుగా అతన్ని సినిమా కార్యాలయానికి తీసుకెళ్తారు. అక్కడ మరికొద్ది గంటల్లో మరొకరు చనిపోతారని అంచనా వేసి అతన్ని తీసుకెళ్తారు. ఆ క్రమంలో వివిధ క్యారెక్టర్ల ద్వారా కొంత కామెడీ.. మరికొంచెం ఏమోషన్లను చూపించారు.
ఇది కూడా చూడండి: Met Gala 2023:లో ప్రియాంక.. నెక్లెస్ రేట్ తెలిస్తే మైండ్ బ్లాంకే!
ట్రైలర్‌లో సునీల్‌ని స్టార్‌గా చూపించారు. ఒకరికొకరు ఇమడలేని ఎనిమిది మంది రచయితలతో పాటు ఆయన కనిపిస్తారు. ఇందులో హర్ష దొంగగా, వెన్నెల కిషోర్ దెయ్యం, బాధలో ఉన్న తండ్రితో పాటు పిచ్చివాడిగా నటించారు. వారంతా 80, 90ల నాటి వేషధారణలో కనిపించారు. ఈ సినిమాలో కామెడీ, హారర్ సీన్లతోపాటు థ్రిల్లింగ్ కోణాన్ని కూడా చూపించారు. అన్ని అంశాలను టచ్ చేసిన ఈ చిత్రం మే 12న ప్రేక్షకుల ముందుకు రాబోతోంది. ఈ చిత్రానికి యలమంద చరణ్ దర్శకత్వం వహించగా, హిమాలయా స్టూడియో మాన్షన్స్, మిర్త్ మీడియా పతాకాలపై కిరణ్, VSK నిర్మించారు. శేఖర్ చంద్ర సంగీతం సమకూర్చారు.
ఇది కూడా చూడండి: Actress:రూ.వెయ్యికి గ్లామర్ ఫోటోలు.. వీడియో కాల్‌కు రూ.14 వేల ఛార్జీ
