ప్రేక్షకులకు వినోదాన్ని అందించడానికి ఓటీటీ (OTT)లు ఎప్పుడు సిద్ధంగా ఉంటాయి. ప్రతి వారం రకరకాల సినిమాలతో ప్రేక్షకులను ఆకట్టుకుంటున్నాయి ఓటీటీ సంస్థలు. సూపర్ హిట్ చిత్రాలతో పాటు అలరించే వెబ్ సిరీస్ (Web series) లను కూడా ప్రేక్షకులకు అందిస్తున్నాయి. ఈ వారం విడుదలవుతున్న సినిమాలు, సిరీస్ లు ఇవే.
ఫ్యామిలీ ఎంటర్‌టైనర్‌ ‘రంగబలి’
నాగశౌర్య (Naga Shaurya) హీరోగా పవన్ బాసంశెట్టి నిర్మించిన సినిమా రంగబలి (Rangabali) గత నెలలో ప్రేక్షకుల ముందుకు వచ్చిన
ఈ సినిమా హిట్ టాక్‌ను అందుకుంది. ముఖ్యంగా నాగశౌర్య, సత్యల నటన సినిమాకు ప్లస్ అయ్యింది. ఇప్పుడిదే మూవీ నెట్‌ఫ్లిక్స్‌ వేదికగా ఆగస్టు 4 నుంచి స్ట్రీమింగ్‌ కానుంది. ప్రియురాలితో తన పెళ్లికి అడ్డుగా ఉన్న రాజవరంలోని ‘రంగబలి’ సెంటర్‌ పేరును మార్చడానికి శౌర్య (నాగశౌర్య) ఏం చేశాడు? ఆ సెంటర్‌ కథేంటి? హీరోయిన్‌ తండ్రికి రాజవరం(Rajavaraలోని ఆ సెంటర్‌కు ఉన్న సంబంధం ఏమిటి? అనే ఆసక్తికర అంశంతో ఇది సిద్ధమైంది.
కామెడీ కోసం ‘పరేషాన్‌’
యువ టాలెంట్‌ను ప్రోత్సహించడంలో హీరో రానా (HeroRana)ఎప్పుడూ ముందుంటారు. ఆయన సమర్పణలో ఇటీవల తెరకెక్కిన మూవీ ‘పరేషాన్‌’ (Pareshan). రూపక్‌ రొనాల్డ్‌సన్‌ దర్శకుడు. తిరువీర్‌, పావని, మురళీధర్‌ గౌడ్‌ ప్రధాన పాత్రల్లో నటించిన ఈ సినిమా గత నెలలో రిలీజ్ అయి గుడ్ టాక్ (Good talk) అందుకుంది. ఇప్పుడీ సినిమా సోనీలీవ్‌ ఓటీటీ వేదికగా ఆగస్టు 4 నుంచి ప్రేక్షకులను అలరించనుంది.
యాక్షన్‌-సస్పెన్స్‌ థ్రిల్లర్‌ ‘దయ’
ప్రముఖ హీరో జేడీ చక్రవర్తి (JD Chakravarthy) నటించిన సినిమా దయ’ (DAYAA). పవన్ సాధినేని దర్శకత్వం వహించారు. విష్ణు ప్రియ, ఈషా రెబ్బా, పృథ్వీరాజ్‌, కమల్‌ కామరాజు ముఖ్య పాత్రలు పోషించారు. మర్డర్‌ మిస్టరీ నేపథ్యంలో సిద్ధమైన ఈ సస్పెన్స్‌ థ్రిల్లర్‌ డిస్నీ + హాట్‌స్టార్‌ స్పెషల్‌గా ప్రేక్షకుల ముందుకు రానుంది. ఆగస్టు 4 నుంచి స్ట్రీమింగ్‌ కానుంది.
చదవండి : చంద్రబాబు జీవితం ఆంబోతులకు ఆవులను సప్లై చేయడమే
ఓటీటీలో స్ట్రీమింగ్‌ కానున్న మరిన్ని సినిమాలు/సిరీస్‌లు
నెట్‌ఫ్లిక్స్‌
చూనా (హిందీ సిరీస్) స్ట్రీమింగ్‌ అవుతోంది.
హార్ట్‌స్టాపర్ సీజన్ 2 (సిరీస్) స్ట్రీమింగ్‌ అవుతోంది.
ది హంట్‌ ఫర్‌ వీరప్పన్‌ (డాక్యుమెంటరీ సిరీస్) ఆగస్టు 4
అమెజాన్‌ ప్రైమ్‌ వీడియో
ధూమం (కన్నడ, తెలుగు) ఆగస్టు 4
డిస్నీ + హాట్‌స్టార్‌
ది ఫస్ట్‌ రెస్పాండర్స్‌ – 2 (సిరీస్) ఆగస్టు 4
సోనీలీవ్‌
ఫటాఫటీ – ఆగస్టు 4
చదవండి : Bigg Boss7లో సందడి చేసేది వీరేనా?
