షారుఖ్ ఖాన్ హీరోగా నయనతార హీరోయిన్‌గా, ప్రియమణి, సంజయ్ దత్, యోగి బాబు, దీపికా పదుకునే కీలక పాత్రల్లో నటించిన జవాన్ సినిమా సెప్టెంబర్ 7న రిలీజ్ అయింది. కోలీవుడ్ మాస్ డైరెక్టర్ అట్లీ తెరకెక్కించిన ఈ సినిమా డే వన్ నుంచి హిట్ టాక్ సొంతం చేసుకుంది. అనిరుద్ రవి చందర్ సంగీతం అందించిన ఈ సినిమా బాక్సాఫీస్ దగ్గర దుమ్ముదులిపేసింది. విడుదలైన వారం రోజుల్లోనే వరల్డ్‌ వైడ్‌గా 650 కోట్లు కొల్లగొట్టిన ఈ చిత్రం.. తాజాగా 1000 కోట్ల క్లబ్లో చేరింది. కేవలం 19 రోజుల్లోనే ‘జవాన్’ 1000 కోట్ల గ్రాస్ రాబట్టింది.
చదవండి: Viral: ఎన్టీఆర్ బామ్మర్ది సినిమా రిలీజ్ డేట్ లాక్..!
ఈ ఏడాది ఆరంభంలో ప‌ఠాన్ సినిమాతో వెయ్యి కోట్లు రాబట్టిన షారుఖ్.. ఇప్పుడు జవాన్‌తో అదే మ్యాజిక్ రిపీట్ చేశాడు. దీంతో ఒకే ఏడాదిలో బ్యాక్ టు బ్యాక్ వెయ్యి కోట్లు రాబట్టిన హీరోగా షారుఖ్ ఖాన్ చరిత్ర సృష్టించాడు. అలాగే ఈ సినిమాతో 1000 కోట్ల క్లబ్లో చేరిన తొలి తమిళ దర్శకుడిగా అట్లీ అరుదైన ఘనత సాధించాడు. ఇక హిందీలో ఇప్పటి వరకూ 500 కోట్లకు పైగా వసూళ్లను రాబట్టి మాసివ్ బ్లాక్ బస్టర్‌గా నిలిచింది.
చదవండి: Rashmika: సమంత స్థానంలోకి రష్మిక వచ్చిందా..?
ప్రస్తుతం షారుఖ్ ఖాన్ జవాన్ సక్సెస్ జోష్‌లో ఉన్నారు. ముంబైలో ఆయన ఇంటిముందు క్యూ కడుతున్నారు అభిమానులు. ఈ సినిమా తర్వాత ఇదే ఏడాదిలో రాజ్ కుమార్ హిరాణి దర్శకత్వంలో చేస్తున్న ‘డంకీ’ సినిమా కూడా రిలీజ్‌కు రెడీ అవుతోంది. క్రిస్మస్ టార్గెట్‌గా డిసెంబర్‌లో డంకీ రిలీజ్ కానుంది. ఈ సినిమా కూడా వెయ్యి కోట్లు రాబడితే.. షారుఖ్ మరో కొత్త చరిత్ర సృష్టించినట్టే.
