ఎన్టీఆర్ బామ్మర్ది నార్నే నితిన్ నటిస్తున్న సినిమాలో మరో ఇద్దరు హీరోలు కూడా ఉన్నారు. సంగీత్ శోభన్, రామ్ నితిన్ ఇందులో హీరోలుగా చేస్తున్నారు. కాగా ఇటీవల ఈ మూవీ టీజర్ విడుదల చేయగా, విపరీతంగా ఆకట్టుకుంది. తాజాగా ఈ మూవీ విడుదల తేదీని ప్రకటించారు. ఈ సినిమాని అక్టోబర్ 6వ తేదీన థియేటర్స్ లలో విడుదల చేయనున్నారు. ఇప్పటి వరకు ఈ మూవీ నుంచి టీజర్, పోస్టర్లు విడుదల చేశారు. అవి నెటిజన్లను విపరీతంగా ఆకట్టుకున్నాయి.
చదవండి: Rashmika: సమంత స్థానంలోకి రష్మిక వచ్చిందా..?
ఈ సినిమాకు హారిక సూర్యదేవర నిర్మాతగా వ్యవహిరించనున్నారు. ప్రముఖ నిర్మాత సూర్యదేవర రాధాకృష్ణ కుమార్తె ఈ హారిక సూర్యదేవర. సితార ఎంటర్‌టైన్‌మెంట్స్‌ సహకారంతో, ఫార్చూన్ ఫోర్ సినిమాస్‌కు చెందిన సాయి సౌజన్య కూడా ఈ చిత్రానికి సహ నిర్మాతగా వ్యవహరిస్తున్నారు. కాగా, ఈ మూవీలో జాతిరత్నాలు ఫేమ్ డైరెక్టర్ అనుదీప్ కూడా నటిస్తున్నట్లు ప్రచారం జరుగుతోంది.
చదవండి: Skanda: ‘స్కంద’ మాస్ జాతర షురూ!
ఈ మూవీలో హీరోయిన్లను కూడా చాలా కొత్తవారిని తీసుకున్నారు. గౌరీ ప్రియా రెడ్డి, అనంతిక, గోపిక అనే ముగ్గురు అమ్మాయిలు హీరోయిన్లుగా పరిచయం అవుతున్నారు. కళ్యాణ్ శంకర్ దర్శకత్వం వహిస్తున్న ఈ సినిమాకి భీమ్స్ సిసిరోలియో సంగీతం అందిస్తున్నారు. షామ్ దత్ సైనుద్దీన్, దినేష్ కృష్ణన్ బి సినిమాటోగ్రఫీ, నేషనల్ అవార్డ్ విన్నింగ్ ఎడిటర్ నవీన్ నూలి ఈ సినిమాకి ఎడిటింగ్ బాధ్యతలు స్వీకరిస్తున్నారు. మరి ఈ మూవీ ఎంత వరకు ప్రేక్షకులను ఆకట్టుకుంటుందో చూడాలి.
