తమిళ సినిమా పరిశ్రమలో సీనియర్ ఫైటర్, నటుడు పొన్నాంబళం మెగాస్టార్ చిరంజీవి జన్మదినోత్సవ వేడుకల్లో ఓ ఆసక్తికరమైన విషయాన్ని వెల్లడించారు. హైదరాబాద్‌లో జరిగిన ఈ వేడుకలో చిరంజీవి అభిమానులు ఆయనకు గొప్ప సర్ప్రైజ్ ఇచ్చారు. ఈ సందర్భంగా, పొన్నాంబళం చిరంజీవి గురించి చెప్పిన కొన్ని ఆసక్తికరమైన నిజాలు ఇప్పుడు నెట్టింట వైరల్‌గా మారాయి.
Kolkata Rape Case Update: పోలీసులు ఆధారాలను మార్చేశారు: సీబిఐ
పొన్నాంబళం మాట్లాడుతూ, “నేను అనేక సినిమాల్లో ఫైటర్‌గా పనిచేశాను. మా రోజువారీ వేతనం 350 రూపాయలు కాగా, చిరంజీవి సినిమాల్లో పని చేసే సమయంలో ఆయన కృపతో మా వేతనం 1000 రూపాయలు అందించేవారు. ఇది ఆయన గొప్ప దయగల వ్యక్తి అని చూపిస్తుంది” అన్నారు. అంతేకాక, పన్నంబలం మాట్లాడుతూ, “నా ఆరోగ్యం క్షీణించడంతో, నా కిడ్నీ ఫెయిల్యూర్ చికిత్స కోసం చిరంజీవి గారు 60 లక్షలు వెచ్చించి, నా ఆరోగ్యంపై నిస్వార్థంగా కృషి చేశారు. ఇది నాకు చాలా సహాయపడింది” అని పేర్కొన్నారు.
పొన్నాంబళం చేసిన ఈ వ్యాఖ్యలు నెట్టింట వైరల్‌గా మారాయి. చిరంజీవి అభిమానులు మాత్రమే కాకుండా, సినీ పరిశ్రమలోని అనేక వ్యక్తులు కూడా ఆయన గొప్పతనాన్ని ప్రశంసిస్తున్నారు. చిరంజీవి సానుభూతి, దయగల స్వభావం ఈ వ్యాఖ్యల ద్వారా మరింత స్పష్టమైంది. చిరంజీవి రియల్ లైఫ్ హీరోగా, తన సహృదయంతో అందరినీ ఆకట్టుకుంటున్నారు. ఆగష్టు 22న చిరంజీవి పుట్టినరోజు సందర్భంగా ఆయన కుటుంబసభ్యులతో తిరుమలలో దైవసేవతో ఆనందంగా గడిపారు.
