SS Thaman: అతడు, ఖలేజా వంటి కమర్షియల్ సినిమాల తర్వాత పక్కా మాస్ బొమ్మగా ‘గుంటూరు కారం’ సినిమా చేస్తున్నారు మహేష్ బాబు, మాటల మాంత్రికుడు త్రివిక్రమ్. ఈ సినిమాకు తమన్ సంగీతం అందిస్తున్నాడు. అయితే.. గుంటూరు కారం నుంచి ఇప్పటి వరకు నాలుగు సాంగ్స్ రిలీజ్ అయ్యాయి. వాటిలో కుర్చీ మడతపెట్టి సాంగ్ ఓ రేంజ్‌లో డీజే మోత మోగిస్తోంది. అయితే.. మొదట్లో ఈ సాంగ్ అనౌన్స్ అయినప్పుడు తమన్‌తో పాటు త్రివిక్రమ్ పై విరుచుకుపడ్డారు ట్రోల్స్ రాయుళ్లు.
ఇది కూడా చూడండి: Pushpa 2 ఐటెం సాంగ్ కోసం ఇద్దరు హాట్ బ్యూటీస్?
ఇదేం పాట.. అసలు మహేష్ రేంజ్‌కు ఆ బూతు పదం వాడడం ఏంటి? తమన్ ఎందుకీ సాంగ్ చేశాడు? ఇది కూడా కాపీనేనా? అంటూ తమన్‌ను ఓ ఆట ఆడుకున్నారు. కానీ గుంటూరు కారం ఈవెంట్‌లో మహేష్ బాబు చెప్పిన ఓ మాటతో.. అరె, తమన్‌ను అనవసరంగా టార్గెట్ చేశారా? అని, అనిపించక మానదు. ఈవెంట్‌లో మహేష్ బాబు ఈ సాంగ్ గురించి మాట్లాడుతూ.. కుర్చీ మడత పెట్టి సాంగ్ ఐడియా తమన్‌ది కాదు. ఈ సినిమాలో ఆ కుర్చీ మడతపెట్టి సాంగ్ చేస్తావా? అని నేను, త్రివిక్రమ్ అడిగితే, అసలు ఆలోచించకుండా వెంటనే చేశాడు తమన్.
ఇది కూడా చూడండి: Ruhani Sharma: వెంకీ ‘సైంధవ్‌’లో విరాట్ కోహ్లీ మరదలు?
అతని ప్లేస్‌లో వేరే ఏ మ్యూజిక్ డైరెక్టర్ ఉన్నా కూడా పదిసార్లు డిస్కషన్లు పెట్టేవాడు. కానీ థమన్ అలా చేయలేదు.. రేపు ఆ పాట మీరు చూడండి.. థియేటర్లు బద్దలైపోతాయి.. అని మహేష్ చెప్పుకొచ్చాడు. మహేష్ ఇలా క్లారిటీ అవ్వడంతో.. థమన్‌ను అనవసరంగా టార్గెట్ చేశామని మహేష్ ఫ్యాన్‌ కామెంట్స్ చేస్తున్నారు. ఇకపోతే.. కుర్చి మడతబెట్టి సాంగ్‌లో మహేష్ బాబు, శ్రీలీల మాస్ స్టెప్పులకు థియేటర్ బాక్సులు బద్దలవడం పక్కా అని మేకర్స్ బల్లగుద్ది మరీ చెబుతున్నారు. మరి థియేటర్లో ఈ సాంగ్ ఎలా ఉంటుందో చూడాలి.
ఇది కూడా చూడండి: Water Bottle: లీటర్ బాటిల్‌లో ఇన్ని లక్షల ప్లాస్టిక్ రేణువులా!
