Ravi Teja Eagle movie postponed This is clarity
సోషల్ మీడియా వచ్చాక ఏది నిజమో? ఏది అబద్దమో? తేల్చుకోలేకపోతున్నారు నెటిజన్స్. రవితేజ(Ravi Teja) లేటెస్ట్ ఫిల్మ్ ఈగల్(Eagle) విషయంలోను అదే జరుగుతోంది. రీసెంట్‌గా పాన్ ఇండియా ఎంట్రీ ఇస్తూ.. దసరా బరిలో టైగర్ నాగేశ్వరరావుగా అలరించిన మాస్ మహా రాజా.. 2024 సంక్రాంతికి ఈగల్‌గా ఎటాక్ చేయనున్నాడు. 2023 సంక్రాంతికి వాల్తేరు వీరయ్య సినిమాతో వంద కోట్లు కొట్టిన రవితేజ.. వచ్చే సంక్రాంతికి ఈగల్‌తో హిట్ కొట్టాలని చూస్తున్నాడు. అయితే సంక్రాంతి రేసులో మహేష్ బాబు లాంటి స్టార్ హీరోల సినిమాలు రిలీజ్ అవుతున్నాయి. దీంతో ఈగల్ రిలీజ్ ఉంటుందా? ఉండదా? అనే డౌట్ ఉండేది. కానీ జనవరి 13న ఈగల్ ఎటాక్ ఉంటుందని.. పోస్ట్‌పోన్ అయ్యే ఛాన్సే లేదని చెబుతునే ఉన్నారు మేకర్స్.
ఇప్పటికే టీజర్, ఓ సాంగ్ కూడా రిలీజ్ చేశారు. అయినా కూడా ఈగల్ పోస్ట్ పోన్ అయింది.. అని సోషల్ మీడియాలో ప్రచారం జరుగుతోంది. ఇదంతా ఎవరు చేస్తున్నారో తెలియదు గానీ.. ఇలాంటి విషయాలను నమ్మకండి, ఇవన్నీ పుకార్లేనని మరోసారి క్లారిటీ ఇచ్చారు నిర్మాణ సంస్థ పీపుల్ మీడియా ఫ్యాక్టరీ. #EAGLE #EAGLEonJan13th అంటూ ట్వీట్ చేశారు. దీంతో ఎవ్వరు తగ్గినా తాను మాత్రం తగ్గేదేలే అంటున్నాడు మాస్ మహారాజా రవితేజ. ఇక స్పై యాక్ష‌న్ థ్రిల్ల‌ర్‌గా తెరకెక్కుతున్న ఈ సినిమాకు సినిమాటోగ్రాఫ‌ర్ కార్తిక్ ఘ‌ట్ట‌మ‌నేని ద‌ర్శ‌క‌త్వం వ‌హిస్తున్నాడు. రవితేజ సరసన అనుప‌మ ప‌ర‌మేశ్వ‌ర‌న్‌, కావ్య థాప‌ర్ హీరోయిన్లుగా న‌టిస్తున్నారు. ధ‌మాకాతో రవితేజకు బిగ్గెస్ట్ బ్లాక్‌బ‌స్ట‌ర్ ఇచ్చిన పీపుల్ మీడియా ఫ్యాక్టరీ సంస్థ.. ఈగల్ సినిమాను నిర్మిస్తోంది. మరి ఈగల్ ఎలా ఉంటుందో చూడాలి.
ఇది కూడా చూడండి: Salaar: భారీగా పెరగనున్న ‘సలార్’ టికెట్ రేట్లు?
