prabhas Salaar second trailer date fixed
సలార్(Salaar )దెబ్బకు డిజిటల్ రికార్డులన్నీ బద్దలైన సంగతి తెలిసిందే. తెలుగు, త‌మిళం, మ‌ళ‌యాళ, క‌న్న‌డ, హిందీ భాష‌ల్లో క‌లుపుకుని 24 గంట‌ల్లో 116 మిలియ‌న్ల వ్యూస్.. 2.7 మిలియన్స్ లైక్స్ ద‌క్కించుకుంది సలార్ ట్రైలర్. దీంతో.. 24 గంట‌ల్లో అత్య‌ధిక వ్యూస్ ద‌క్కించుకున్న ఇండియ‌న్ మూవీగా సలార్ స‌రికొత్త రికార్డులు క్రియేట్ చేసింది. ప్రస్తుతం సలార్ ట్రైలర్ భారీ వ్యూస్‌తో దూసుకుపోతుంది. ఇప్పటి వరకూ 135 మిలియన్స్‌కి పైగా వ్యూస్‌ను సొంతం చేసుకుంది.
అయితే.. ఇంతలా సెన్సేషన్ క్రియేట్ చేసిన సలార్ ట్రైలర్‌ను పృధ్వీరాజ్ సుకుమారన్ చుట్టే కట్ చేశాడు ప్రశాంత్ నీల్(prashanth neel). మూడున్నర నిమిషాలకు పైగా ఉన్న ఈ ట్రైలర్‌లో ప్రభాస్ కనిపించింది చాలా తక్కువ. అలాగే.. ఈ ట్రైలర్‌లో కథ చెప్పే ప్రయత్నం చేశాడు నీల్. దీంతో యాక్షన్ కట్ షాట్స్ తక్కువగా పడ్డాయి. అందుకే.. ప్రభాస్ ఫ్యాన్స్‌కు అసలు సిసలైన మాస్ ఫీస్ట్ ఇచ్చేందుకు రెడీ అవుతున్నాడట ప్రశాంత్ నీల్.
ఫుల్ మీల్స్ పెట్టేలా రెండో ట్రైలర్(trailer)కట్ చేస్తున్నాడట. అంతేకాదు ఈ హై ఓల్టేజ్ ట్రైలర్ డేట్ కూడా లాక్ చేసినట్టుగా తెలుస్తోంది. డిసెంబర్ 16న, అంటే సినిమా రిలీజ్‌కు వారం రోజుల ముందు రెండో ట్రైలర్ రిలీజ్ చేసే ఛాన్స్ ఉందని తెలుస్తోంది. ఇందులో గూస్ బంప్స్ ఫైట్స్ సీన్స్‌ను చూపించబోతున్నాడట. ఈ ఒక్క ట్రైలర్ అంచనాలకు పీక్స్‌కు తీసుకెళ్లేలా ఉంటుందని అంటున్నారు. ఇప్పటికే ప్రమోషన్స్ స్టార్ట్ చేశారు మేకర్స్. డిసెంబర్ 22న సలార్ పార్ట్ వన్ సీజ్ ఫైర్ రిలీజ్ కానుంది. మరి సలార్ సెకండ్ ట్రైలర్ ఎలాంటి సెన్సేషన్ క్రియేట్ చేస్తుందో చూడాలి మరి.
ఇది కూడా చూడండి: Yash: బిగ్ అప్డేట్ ఇచ్చిన యష్..టైటిల్‌ రివీల్‌కు ముహూర్తం ఫిక్స్!
