prabhas-in-mumbai-loud-kalki-promotions
Kalki: ప్రపంచ వ్యాప్తంగా అనేక భాషల్లో జూన్ 27న కల్కి మూవీ రిలీజ్ కానుంది. ఈ సినిమాకు సంబంధించిన ట్రైలర్, గ్లింప్స్ సినిమాపై అంచనాలను అమాంతంగా పెంచేశాయి. ప్రభాస్‌తో కలిసి డైరెక్టర్ నాగ్ అశ్విన్… ప్రపంచ వ్యాప్తంగా సినిమా అభిమానులను థ్రిల్ చేయనున్నారని పరిశీలకులు చెబుతున్నారు. ఈ సినిమాకు సంబంధించిన సెన్సార్‌ వర్క్ పూర్తయినట్లు తెలుస్తోంది. కల్కి సినిమా ప్రమోషన్స్ బాలీవుడ్‌లో అదిరిపోయే రేంజ్‌లో ప్లాన్ చేసారు. దీనికోసం ప్రభాస్ ముంబై తరలి వెళ్ళాడు. జూన్ 18వ తేదీ రాత్రి ప్రభాస్ ముంబై వెళ్ళాడు. ముంబైలో ప్రభాస్ ల్యాండ్ అయిన విజువల్స్ సోషల్ మీడియాలో వైరల్‌గా మారాయి. ప్రభాస్ సరికొత్త లుక్ చూసి ఫ్యాన్స్ సంబరపడిపోతున్నారు. ముంబైలో జరగబోయే కల్కి ప్రమోషనల్ ఈవెంట్లో ప్రభాస్‌తో పాటు సినిమాకు సంబంధించిన ప్రముఖులు కొందరు పాల్గొంటున్నారు. వారితో పాటు బాలీవుడ్‌లో మరికొందరు ప్రముఖులు కూడా …కల్కీ ప్రమోషనల్ ఈవెంట్‌కు హాజరు కానున్నారు. ప్రభాస్ హీరోగా, దీపికా పడుకోన్‌ హీరోయిన్‌గా నటించిన కల్కీ సినిమాను దర్శకుడు నాగ్ అశ్విన్ తెరకెక్కించాడు. 600 కోట్ల భారీ బడ్జెట్‌తో నిర్మించిన కల్కీ సినిమాలో అమితాబచ్చన్, కమల్ హాసన్, మృణాల్ ఠాకుర్, శోభన, బ్రహ్మానందం, దిశాపటానీ, తమిళ స్టార్ విలన్ పశుపతి తదితరులు కల్కీ మూవీలో నటించారు. భారీ తారాగణంతో తెరకెక్కిన ఈ సినిమా గత రికార్డులను బ్రేక్ చేస్తుందని సినీ పండితులు అంచనా వేస్తున్నారు.
చదవండి:Kalki: విడుదలకు ముందే రికార్డు క్రియేట్ చేసిన కల్కి
ఓవర్సీస్‌లో కల్కి ప్రీ బుకింగ్స్‌ ఇటీవల ఓపెన్‌ చేసిన కొన్ని గంటల్లోనే టిక్కెట్లన్నీ హాట్ కేకుల్లా అమ్ముడు పోయాయి. దర్శక దిగ్గజం రాజమౌళి రూపొందించిన ఆర్‌ఆర్‌ఆర్‌ సినిమా రికార్డులను బ్రేక్ చేస్తూ మిలియన్‌ డాలర్ల బిజినెస్‌ జరిగింది. ఇప్పుడు ఆ సేల్‌ రెండు మిలియన్‌ డాలర్లకు చేరుకుంది. కేవలం నార్త్‌ అమెరికాలోనే రెండు మిలియన్‌ డాలర్ల బిజినెస్‌ జరగడం విశేషం. సినిమా విడుదలకు ముందే భారీ స్థాయిలో అమ్మకాలు జరిగిన తొలి భారతీయ సినిమాగా కల్కి కొత్త రికార్డ్ క్రియేట్ చేసింది. మూవీ రిలీజ్‌కు ఇంకా 7 రోజుల సమయం మాత్రమే ఉండడంతో బిజినెస్‌ మరింత పెరిగే అవకాశముందని సినీ పరిశీలకులు అంచనా వేస్తున్నారు. ఆస్ట్రేలియాలో కూడా కల్కీ హవా నడుస్తోంది. ఇప్పటివరకు అందిన సమాచారం ప్రకారం 5000 టికెట్లు అమ్ముడుపోయినట్లు తెలుస్తోంది. వైజయంత్రి మూవీస్ పతాకంపై నిర్మితమైన కల్కీ మూవీ ట్రైలర్ కొన్ని రోజుల క్రితం విడుదలై .. హల్ చల్‌ చేసింది. అద్భుతమైన రెస్పాన్స్ రావడంతో ..చిత్ర యూనిట్ మరో ట్రైలర్ రిలీజ్ చేసేందుకు సన్నాహాలు చేస్తోంది. జూన్ 23వ తేదీన రెండో ట్రైలర్ విడుదల చేసేందుకు శరవేగంగా పనులు జరుగుతున్నాయి. సంతోష్ నారాయణ్ అందిన మ్యూజిక్ అద్భుతంగా వచ్చిందనే టాక్ నడుస్తోంది. మరోవైపు తెలుగు రాష్ట్రాల్లో డిస్ట్రిబ్యూటర్లకు కల్కీ సినిమాలోని కొంత భాగాన్ని చూపించినట్లు తెలుస్తోంది. మరోవైపు తమిళనాడులో డిస్ట్రిబ్యూటర్లు ఈ సినిమాను కమిషన్‌ బేస్‌ మీద రిలీజ్ చేసేందుకు సిద్ధమయ్యారు.
చదవండి:Game changer: గేమ్ ఛేంజర్.. అయితే 4 నెలలు, లేదంటే 6 నెలలు?
