మరోసారి రంగస్థలం(Rangasthalam) కాంబో ఫిక్స్ అయిపోయింది. రామ్ చరణ్(ram charan), సుకుమార్(sukumar) ఈ సారి అంతకు మించి అనేలా భారీ ప్రాజెక్ట్ చేయబోతున్నారు. అంతేకాదు ఇప్పటికే ఇంట్రో సీన్ కూడా షూట్ చేశారనే న్యూస్ ఇప్పుడు వైరల్‌గా మారింది. ప్రస్తుతం శంకర్ దర్శకత్వంలో ఆర్సీ 15 చేస్తున్నాడు చరణ్. అయితే ఈ సినిమా తర్వాత చరణ్ ప్రాజెక్ట్ ఎంటనేది సస్పెన్స్‌గా మారింది. ఎందుకంటే.. జెర్సీ దర్శకుడు గౌతమ్ తిన్ననూరి, చరణ్‌ను ఇంప్రెస్ చేయలేకపోయాడు. దాంతో ఈ ప్రాజెక్ట్ ఆగిపోయింది.
ఈ క్రమంలో చరణ్ నెక్ట్స్ ప్రాజెక్ట్ గురించి పలు రకాల వార్తలొస్తున్నాయి. కన్నడ దర్శకుడు నార్తన్‌తో కూడా చరణ్ చర్చలు జరుపుతున్నాడని వినిపిస్తోంది. ఈ నేపథ్యంలో సుకుమార్-చరణ్ కాంబో ఫిక్స్ అయినట్టు తెలుస్తోంది. గతంలో ఈ ఇద్దరు చేసిన రంగస్థలం మూవీ బ్లాక్ బస్టర్‌గా నిలిచింది. దాంతో గతంలో ఈ ఇద్దరి కాంబినేషన్లో మరో సినిమా ఉంటుందని వినిపించింది. ఇక ఇప్పుడు ఈ క్రేజీ కాంబో ఎప్పుడో ఫిక్స్ అయిపోయిందని అంటున్నారు.
ఓ ఇంటర్వ్యూలో ఆర్ట్ డైరెక్టర్ సాబు సిరిల్ ఈ విషయాన్ని కన్ఫమ్ చేశారట. ఆర్ఆర్ఆర్ రిలీజ్‌కు ముందే చరణ్‌తో ఇంట్రో సీన్ షూట్ చేశారని.. ఆ ఫుటేజీ దాదాపు 10 నిమిషాలు ఉంటుందని చెప్పారట. ఆర్ఆర్ఆర్ మూవీ కోసం చరణ్ బాడీ ట్రాన్స్‌ఫార్మెషన్ చూసి.. ముందుగానే ఇంట్రో షూట్ చేశాడట సుకుమార్. మళ్లీ చరణ్ అదే ఫిట్‌నెస్‌లోకి వస్తే.. సుకుమార్ ప్రాజెక్ట్ ఉంటుందని టాక్. అయితే ప్రస్తుతం సుకుమార్ పుష్ప2.. చరణ్ ఆర్సీ 15తో బిజీగా ఉన్నారు. ఈ సినిమాల తర్వాత ఈ సినిమా ఉండే ఛాన్స్ ఉందని చెప్పొచ్చు.
ఇది కూడా చూడండి: బాలయ్య అన్ స్టాపబుల్(YS Sharmila) షోకి షర్మిల..?
