Mega nephew Sai Dharam Tej's name change for her
Sai Dharam Tej: అనుకోకుండా సాయి ధరమ్ తేజ్ యాక్సిడెంట్‌కు గురైన సంగతి తెలిసిందే. కొన్నాళ్లు పాటు బెడ్ రెస్ట్‌కే పరిమితమైన తేజ్.. కోలుకున్న తర్వాత కార్తీక్ దండు దర్శకత్వంలో చేసిన ‘విరూపాక్ష’ సినిమా సాలిడ్ హిట్‌గా నిలిచింది. ఈ సినిమాతో వంద కోట్ల క్లబ్‌లో చేరాడు మెగా మేనల్లుడు. ఆ తర్వాత పవర్ స్టార్‌తో కలిసి ‘బ్రో’ సినిమాతో అలరించాడు. ప్రస్తుతం మాస్ డైరెక్టర్ సంపత్ నంది దర్శకత్వంలో ఒక సినిమా చేస్తున్నాడు. ఈ సినిమాకు గాంజా శంకర్ అనే టైటిల్ ఫిక్స్ చేశారు. సితార ఎంటర్ టైన్మెంట్స్, ఫార్చూన్ ఫోర్ సినిమాస్ బ్యానర్స్ పై సూర్యదేవర నాగవంశీ, సాయి సౌజన్య సంయుక్తంగా ఈ చిత్రాన్ని నిర్మిస్తున్నారు. కానీ.. ఈ చిత్రం మధ్యలోనే ఆగిపోయిందని వార్తలు వినిపిస్తున్నాయి. ఇదే విషయాన్ని సాయి ధరమ్‌ను అడగ్గా.. తనకు తెలియదని చెప్పాడు. గాంజా శంకర్ సినిమా ఆగిపోయిందనే విషయంలో వెబ్ సైట్స్‌లో వార్తలు చూసినంత వరకు తనకు తెలియదని చెప్పుకొచ్చాడు.
చదవండి:Samantha: శరీరానికి తగిలిన గాయాల కంటే.. అదె ఎక్కువ!
కానీ.. ఈ సినిమా ఉందా లేదా అనే విషయంపై మాత్రం తేజ్ ఎలాంటి క్లారిటీ ఇవ్వలేదు. సాయి ధరమ్ తేజ్, స్వాతి కలిసి చేసిన ఒక ఇండిపెండెంట్ ఫిల్మ్ స్పెషల్ స్క్రీనింగ్ వేదిక తేజ్ ఈ విషయాన్ని చెప్పాడు. ఈ సందర్భంగా మరో విషయాన్ని కూడా చెప్పుకొచ్చాడు. తన పేరులో ఒక చిన్న మార్పు జరిగిందని చెబుతూ.. తన పేరులో తల్లి దుర్గ పేరును యాడ్ చేసుకున్నానని చెప్పాడు. సర్ నేమ్ కింద మా నాన్న గారి పేరు ఎలాగూ ఉంటుంది. కానీ తన తల్లిని దూరం చేసుకోవాలనే ఉద్దేశం లేకపోవడంతో.. తన తల్లి దుర్గ పేరును తన పేరుతో యాడ్ చేసుకొని.. తన పేరుని ‘సాయి దుర్గ తేజ్’గా మార్చుకున్నానని.. చెప్పుకొచ్చాడు. కాబట్టి.. ఇక నుంచి సాయి ధరమ్ తేజ్ కాదు.. సాయి దుర్గ తేజ్‌గా చలామణి అవుతాడు మెగా మేనల్లుడు.
చదవండి:Srilila: వాటిని రెండు సార్లు రిజెక్ట్ చేసిన శ్రీలీల?
