ప్రస్తుతం టాలీవుడ్‌లో రీ రిలీజ్ ట్రెండ్ నడుస్తోంది. స్టార్ హీరోలకు సంబంధించిన స్పెషల్ డేస్‌లో.. బ్లాక్ బస్టర్ సినిమాలను రీ రిలీజ్ చేసి ఫుల్లుగా సెలబ్రేట్ చేసుకుంటున్నారు అభిమానులు. ఇప్పటికే మహేష్ బాబు పోకిరి, ఒక్కడు.. పవర్ స్టార్ జల్సా, తమ్ముడు.. సినిమాలను బర్త్ డే సందర్భంగా రీ రిలీజ్ చేసి రికార్డులు క్రియేట్ చేశారు. అలాగే బాలయ్య చెన్నకేశవరెడ్డి.. ప్రభాస్ రెబల్, బిల్లా, వర్షం సినిమాలను కూడా రీ రిలీజ్ చేశారు. ఇక ఇప్పుడు పవర్ స్టార్ ఖుషీ మూవీని రీ రిలీజ్ చేసేందుకు ప్లాన్ చేస్తున్నారు. ముందుగా న్యూ ఇయిర్ సందర్బంగా.. అంటే ఈ ఏడాది డిసెంబర్ 31న ఈ చిత్రం రీరిలీజ్ చేయాలని అనుకున్నారు. కానీ ఇప్పుడు రీ రిలీజ్ డేట్ మారినట్టు తెలుస్తోంది. ‘ఖుషి’ చిత్రాన్ని సమ్మర్ కానుకగా.. ఏప్రిల్ 27న ప్రపంచవ్యాప్తంగా భారీ స్థాయిలో రిలీజ్ చేయబోతున్నట్టు సమాచారం. 2001లో ఏప్రిల్ 27న రిలీజ్ అయిన ఖుషీ సినిమా.. పవన్ కెరీర్లో ఓ మైలు రాయిగా నిలిచిపోయింది. అందుకే మళ్లీ ఆ తేదీనే విడుదల చేయాలని భావిస్తున్నారట. అంతేకాదు.. పవర్ స్టార్ అప్ కమింగ్ ఫిల్మ్ నుంచి మాసివ్ ట్రీట్ ఇవ్వబోతున్నట్టు తెలుస్తోంది. ప్రస్తుతం పవన్ కళ్యాణ్.. క్రిష్ దర్శకత్వంలో ‘హరిహర వీరమల్లు’ అనే పాన్ ఇండియా చిత్రంలో నటిస్తున్నారు. ఇప్పటికే లేట్ అవుతూ వస్తున్న ఈ చిత్రం.. రీసెంట్‌గానే తిరిగి సెట్స్ పైకి వెళ్లింది. ఈ నేపథ్యంలో.. ఖుషీ రీ రిలీజ్‌తో పాటే హరిహర వీరమల్లు నుంచి సాలిడ్ అప్టేట్ ఉంటుందని అంటున్నారు. దాంతో పవన్ ఫ్యాన్స్ ఖుషీ అవుతున్నారు.
