Gunturu Karam: గుంటూరు కారం మొదలైనప్పటి నుంచి ఏదో ఒక ఇష్యూ అవుతునే ఉంది. షూటింగ్ విషయంలో డిలే అవుతూ వచ్చిన గుంటూరు కారం.. ఫైనల్‌గా ఇప్పుడు కంప్లీట్ చేసుకుంది. ఇప్పటికే మహేష్ బాబు షూటింగ్ పూర్తి చేసి న్యూ ఇయర్ వెకేషన్ కోసం ఫారిన్ ఫ్లైట్ ఎక్కేశాడు. ఇక మాటల మాంత్రికుడు పోస్ట్ ప్రొడక్షన్ పనులు కంప్లీట్ చేసే పనిలో ఉన్నాడు. ఇప్పటికే సగానికి పైగా పోస్ట్ ప్రొడక్షన్ పనులు కంప్లీట్ అయ్యిపోయాయట. మిగతా సగం కూడా త్వరగానే త్రివిక్రమ్ అండ్ టీం ఫినిష్ చేయనున్నారని తెలుస్తుంది. కానీ సినిమా రిలీజ్‌కు మరో రెండు వారాలు కూడా లేదు. ఈ గ్యాప్‌లో ప్రమోషన్స్‌తో పాటు పోస్ట్ ప్రొడక్షన్ కూడా కంప్లీట్ చేయాల్సి ఉంటుంది.
ఇది కూడా చూడండి: Salaar: ‘సలార్’ ఫస్ట్ వీక్ కలెక్షన్స్!
సంక్రాంతి కానుకగా జనవరి 12న గుంటూరు కారం థియేటర్లోకి రానుంది. దీంతో యూఎస్‌లో ‘గుంటూరు కారం’ అడ్వాన్స్ బుకింగ్స్ ఓపెన్ అయ్యాయి. డల్లాస్‌తో పాటు పలు ఇతర లొకేషన్లలో బుకింగ్స్ జరుగుతున్నాయి. అమెరికాలో ఉన్న మహేష్ ఫ్యాన్స్ ప్రస్తుతం టికెట్‌ బుక్‌ చేసుకునే పనిలో బిజీ అయిపోయారు. మామూలుగానే ఓవర్సీస్‌లో మహేష్ బాబుకి భారీ క్రేజ్ ఉంటుంది. అందుకే.. అక్కడ వీలైనంత ఎక్కువ లొకేషన్స్‌లో సినిమా రిలీజ్ చేయబోతున్నారు. తెలుగులో కూడా అతి త్వరలోనే అడ్వాన్స్ బుకింగ్స్ కానున్నాయి. ఇదిలా ఉంటే.. గుంటూరు కారం సాంగ్స్ విషయంలో ట్రోలింగ్ జరుగుతోంది. ఓ మై బేబీ సాంగ్‌తో పాటు తాజాగా రిలీజ్ అయిన ‘కుర్చీ మడతపెట్టి’ సాంగ్‌ కూడా ట్రోలింగ్ బారిన పడింది. మరి గుంటూరు కారం ఎలా ఉంటుందో చూడాలి.
ఇది కూడా చూడండి: PM Modi : దళిత మహిళ ఇంట్లో టీ తాగిన ప్రధాని.. వీడియో వైరల్
