Priya Prakash varrier: కన్ను గీటింది నేనే.. ప్రియా ప్రకాష్ పై డైరెక్టర్ సీరియస్!

‘ఓరు ఆధార్ లవ్’ అనే సినిమా హీరోని చూస్తూ.. ప్రియా ప్రకాష్ వారియర్(Priya Prakash varrier) కన్ను గీటిన సీన్ అప్పట్లో సెన్సేషన్ క్రియేట్ చేసింది. 2019లో విడుదలైన ఈ సినిమా మళయాలంలో మంచి విజయాన్ని అందుకుంది. దాంతో తెలుగులో ఈ సినిమాను ‘లవర్స్ డే’ పేరుతో డబ్ చేశారు. కానీ ఇక్కడ ఆ సినిమా ఆకట్టుకోలేకపోయింది. అయితే కన్నుగీటిన వీడియోతో భారీ ఫ్యాన్ ఫాలోయింగ్ సొంతం చేసుకుంది ప్రియా వారియర్. ఆ ఒక్క వీడియో అమ్మడికి హీరోయిన్‌గా వరుస ఆఫర్స్ వచ్చేలా చేసింది.

తెలుగులో నితిన్‌తో చెక్, తేజ సజ్జాతో ఇష్క్ అనే సినిమాల్లో నటిస్తోంది. అయినా అమ్మడికి పెద్దగా కలిసి రాలేదు. ప్రస్తుతం పవన్ కళ్యాణ్‌, సాయి ధరమ్ తేజ్ కలిసి నటిస్తున్న ‘బ్రో(BRO)’ మూవీలో నటిస్తోంది. అయితే తాజాగా ఈ బ్యూటీ చేసిన కామెంట్స్‌ వైరల్‌గా మారాయి. రీసెంట్‌గా ఓ ఇంటర్వ్యూలో ‘ఆ కన్నుగీటే ఐడియా నాదే’ అంటూ చెప్పుకొచ్చింది. దీంతో ‘ఓరు ఆధార్ లవ్’ డైరెక్టర్‌ ఒమ‌ర్ లులుకి చిర్రెత్తిపోయినట్టుంది. ‘పిచ్చి పిల్ల.. ఐదేళ్ల కింద ఏం జరిగిందో మర్చిపోయినట్టుంది. వలియ చందనాది.. జ్ఞాపకశక్తి మెరుగుపడ్డానికి ఈ తైలం బాగా ఉపయోగపడుతుంది’ అంటూ కాస్త గట్టిగానే ఫైర్ అయ్యాడు.

అంతేకాకుండా.. వైరల్ వింక్ ఐడియా తన తోటి నటుడు రోషన్‌దే అని ‘ఓరు ఆధార్ లవ్’ ప్రమోషన్స్లో ప్రియా వారియర్ చెప్పిన ఓ వీడియోని కూడా పోస్ట్ చేశాడు. దీంతో అసలు ఈ ఐడియాకు, ప్రియ‌కు సంబంధం లేద‌ని తేల్చేశాడు. ఇక ప్రియా ప్రకాష్.. సినిమాల కంటే సోషల్ మీడియా(social media)లో హాట్ హాట్ ఫోటోస్‌ షేర్ చేస్తూ టైంపాస్ చేస్తుంటుంది. ఇక ఇప్పుడు కావాలనే కన్ను గీటిన వీడియో టాపిక్‌తో టాక్ ఆఫ్ ది టౌన్‌గా మారింది. మరి ప్రియా డైరెక్టర్‌ కామెంట్స్‌కు రియాక్ట్ అవుతుందేమో చూడాలి.