Game Changer Movie: ప్రపంచ వ్యాప్తంగా హిట్‌ కొట్టిన ఆర్‌ఆర్‌ఆర్‌ సినిమా తర్వాత రామ్‌ చరణ్‌ నటిస్తున్న సినిమా గేమ్‌ ఛేంజర్‌. శంకర్‌ దర్శకత్వంలో వస్తున్న ఈ సినిమా విడుదల గురించి నిర్మాత దిల్ రాజుకు సోషల్‌ మీడియాలో బోలెడు కామెంట్లు వస్తున్నాయి. ‘దిల్ మామ.. గేమ్‌ ఛేంజర్‌ రిలీజ్ డేట్‌ చెప్పు’ అంటూ చాలా మంది అభిమానులు నెట్‌లో ఆయనపై కామెంట్ల వర్షం కురిపిస్తున్నారట. రామ్‌ చరణ్‌ పుట్టిన రోజు(మార్చి27) నాడు ఈ సినిమా నుంచి ‘జరగండి’ అంటూ ఉన్న మొదటి పాటను విడుదల చేశారు. ఈ సందర్భంగా దిల్ రాజు(Dil Raju) ఈ విషయమై మాట్లాడారు.
చదవండి : టిక్కెట్టు ఇవ్వలేదన్న మనస్తాపంతో ఎంపీ ఆత్మహత్య
కొన్ని కారణాల వల్ల గేమ్‌ ఛేంజర్‌(Game Changer) షూటింగ్‌కు మధ్య మధ్యలో బ్రేకులు వస్తున్నాయని దిల్ రాజు తెలిపారు. దీంతో ఈ చిత్ర నిర్మాణం ఆలస్యం అవుతూ వస్తోందన్నారు. డైరక్టర్‌ శంకర్‌ చెప్పే వరకు తాను ఈ విషయంలో ఎలాంటి మాటా చెప్పలేనని దిల్ రాజు అన్నారు. బహుశా నాలుగైదు నెలల్లో సినిమా విడుదల అయ్యే అవకాశాలు ఉన్నాయన్నారు. ఈ విషయమై తాను ముందస్తుగా ఎలాంటి లీకులు ఇవ్వలేనని తెలిపారు.
చదవండి : జగన్ అయిదేళ్ల అరాచక పాలనతో జనం విసిగిపోయారు
రామ్‌ చరణ్‌ ఇప్పుడు మెగా స్టార్‌ కాదు.. గ్లోబల్‌ స్టార్‌ అయ్యారన్నారు. ఆ రేంజ్‌కు సినిమా రీచ్‌ కావడానికి శంకర్‌ చాలా కష్టపడుతున్నారని తెలిపారు. అప్పటి వరకు తనని తిట్టుకోకుండా కాస్తంత ఓపిగ్గా ఎదురు చూడాలని ఆయన విజ్ఞప్తి చేశారు. ఇక ఆయన మాటల్ని విన్న అభిమానులు వచ్చే సెప్టెంబర్‌ తర్వాతనే విడుదల ఉండొచ్చని అభిప్రాయానికి వస్తున్నారు.
