ప్రస్తుతం తెలుగు నుంచి రిలీజ్‌కు రెడీగ ఉన్న పాన్ ఇండియా సినిమాల్లో.. నాని ‘దసరా’ పై భారీ అంచనాలున్నాయి. ఫస్ట్ టైం నాని ఊరమాస్ అవతారం ఎత్తిన సినిమా ఇదే. తెలంగాణ సింగరేణి బ్యాక్ డ్రాప్‌లో తెరకెక్కిన ఈ సినిమా.. రూటేడ్ సినిమా అని, కెజియఫ్, ఆర్ఆర్ఆర్‌, కాంతార రేంజ్‌లో నిలుస్తుందని అంటున్నాడు నాని. శ్రీకాంత్ ఓదెల ఈ సినిమాతో దర్శకుడిగా పరిచయం అవుతున్నాడు. నాని సరసన మహానటి కీర్తి సురేష్ హీరోయిన్‌గా నటిస్తోంది. నాని ‘ధరణి’ అనే పాత్ర పోషిస్తుండగా.. కీర్తి సురేష్ ‘వెన్నెల’గా కనిపించబోతోంది. ఇప్పటికే ఈ సినిమా నుంచి రిలీజ్ అయిన సాంగ్స్ చార్ట్ బస్టర్స్‌గా నిలిచాయి. ముఖ్యంగా ‘ఛమ్కీల అంగేసి’ అనే సాంగ్ ట్రెండింగ్‌లో దూసుకుపోతోంది. సంతోష్ నారయణ్ కంపోజ్ చేసిన మిగతా పాటలకు మంచి రెస్పాన్స్ వస్తోంది. ఇక ఈ సినిమా టీజర్ రిలీజ్ చేసిన తర్వాత ఎక్స్‌పెక్టేషన్స్ పీక్స్‌కు వెళ్లిపోయాయి. బిజినెస్ కూడా డబుల్ అయింది. మార్చి 30న ఈ సినిమాను పాన్ ఇండియా స్థాయిలో రిలీజ్ చేయబోతున్నారు. ఈక్రమంలో ప్రమోషన్స్ భారీ ఎత్తున చేస్తోంది చిత్ర యూనిట్. అందులోభాగంగా దసరా ట్రైలర్‌ను గ్రాండ్‌గా రిలీజ్ చేయబోతున్నారు. ఇప్పటికే థియేట్రికల్ ట్రైలర్‌ని మార్చి 14న రిలీజ్ చేయనున్నట్లు అనౌన్స్ చేసారు మేకర్స్. ఇక తాజాగా ట్రైలర్ లాంచ్ ఈవెంట్ వెన్యూ అండ్ టైం ఫిక్స్ చేశారు. లక్నోలోని ప్రతిభ థియేటర్‌లో మధ్యాహ్నం 3 గంటల 30 నిమిషాలకు.. ట్రైలర్ రిలీజ్ చేయబోతున్నట్టు ఒక పోస్టర్ ద్వారా ప్రకటించారు. ఈ పోస్టర్‌లో నాని తెగ నరికిన రెండు గొడ్డల్లు చేతపట్టి ఉన్నాడు. ఈ లెక్కన దసరా ఎంత ఊరమాస్‌గా తెరకెక్కిందో అర్థం చేసుకోవచ్చు. ఈ విషయంలో ఇంకాస్త క్లారిటీ రావాలంటే.. ఇంకొన్ని గంటలు వెయిట్ చేయాల్సిందే.
