Bunny who won't do that job that gives 10 crores per minute?
Allu Arjun: అల్లు అర్జున్ కెరీర్ తీసుకుంటే.. పుష్ప సినిమాకు ముందు ఆ తర్వాత అనే చెప్పాలి. సుకుమార్ దర్శకత్వంలో వచ్చిన పుష్ప పార్ట్ 1 పాన్ ఇండియా లెవల్లో బన్నీకి భారీ ఫ్యాన్ ఫాలోయింగ్ తెచ్చిపెట్టింది. అలాగే.. స్టైలిష్ స్టార్ నుంచి ఐకాన్ స్టార్‌గా మారిపోయాడు. ఇక బెస్ట్ యాక్టర్‌గా నేషనల్ అవార్డ్ సొంతం చేసుకొని టాలీవుడ్‌లో హిస్టరీ క్రియేట్ చేశాడు. అసలు.. పుష్ప సినిమా బన్నీకి తెచ్చిన క్రేజ్ అంతా ఇంతా కాదు. అందుకే.. పుష్ప2 కోసం యావత్ ప్రపంచం ఈగర్‌గా వెయిట్ చేస్తోంది. అంచనాలకు ఏ మాత్రం తగ్గకుండా పుష్ప2 తెరకెక్కిస్తున్నాడు సుకుమార్. ఆగష్టు 15న పుష్ప2 థియేటర్లోకి రానుంది. ఈ సినిమా రిలీజ్ తర్వాత బన్నీ క్రేజ్ నెక్స్ట్ లెవల్‌కి వెళ్లడం గ్యారెంటీ. దీంతో.. బన్నీతో కమర్షియల్ యాడ్స్ కోసం పోటీ పడుతున్నాయి బడా బడా సంస్థలు. అల్లు అర్జున్ కూడా పలు బ్రాండ్స్‌కు బ్రాండ్ అంబాసిడర్‌గా ఉంటూ కోట్ల పారితోషికం అందుకుంటున్నాడు.
చదవండి:Gangs Of Godhavari: ఈ ముగ్గురు హీరోల పరిస్థితేంటి?
అయితే.. ఓ యాడ్ కోసం నిమిషానికి పది కోట్లు ఇస్తామని చెప్పిన కూడా చేయనని చెబుతున్నాడట. గతంలోనే ఇలాంటి వార్తలు రాగా, మరోసారి ఇప్పుడు సోషల్ మీడియాలో వైరల్ అవుతున్నాయి. పొగాకు ఉత్పత్తులకు సంబంధించి తన దగ్గరకు వచ్చిన ఓ ప్రకటనను మరో ఆలోచన లేకుండా రిజెక్ట్ చేశాడట అల్లు అర్జున్. అభిమానులను తప్పుదోవ పట్టించి, వారి ఆరోగ్యానికి నష్టం కలిగేలా ఎప్పుడూ ప్రవర్తించనని అన్నాడట. నిమిషం పాటు ఉండే ఈ యాడ్ చేస్తే 10 కోట్ల వరకూ ఇస్తామని ఆఫర్‌ చేసినా, చేయనని ఖరాఖండిగా చెప్పేశాడట. కనీసం పుష్ప2 సినిమాలో పుష్పరాజ్‌ ధూమపానం చేసే సీన్‌లలో, బ్యాగ్రౌండ్‌లో తమ బ్రాండ్ లోగో కనిపించేలా చూడాలని సదరు సంస్థ కోరిందట. అయినా కూడా నో చెప్పాడట బన్నీ. దీంతో.. దటీజ్ ఐకాన్ స్టార్ అంటున్నారు అల్లు ఫ్యాన్స్.
చదవండి:Rana Naidu: రానా నాయుడులో రామ్ పోతినేని? అసలేం ప్లాన్ చేస్తున్నారు?
