Bunny as a fan of Chiranjeevi Pushpa2 leaked photo viral
ఏ ముహుర్తాన పుష్ప సినిమా చేద్దామని అల్లు అర్జున్(allu arjun), సుకుమార్(sukumar) అనుకున్నారో కానీ.. ఊహించని క్రేజ్ తీసుకొచ్చింది పుష్ప పార్ట్ వన్. ఏకంగా బన్నీకి నేషనల్ అవార్డ్‌ను తీసుకొచ్చింది పుష్ప మూవీ. అంతేకాదు.. మేడమ్‌ టుస్సాడ్స్‌ మ్యూజియంలో ప్రభాస్, మహేష్‌ బాబు సరసన చోటు దక్కించుకున్నాడు అల్లు అర్జున్. అందుకే.. పుష్ప2ని అన్‌లిమిటేడ్ బడ్జెట్‌తో తెరకెక్కిస్తున్నాడు సుకుమార్. ప్రస్తుతం పుష్ప2 షూటింగ్ స్టేజ్‌లో ఉంది. ఇప్పటికే చాలా భాగం షూటింగ్ కంప్లీట్ చేసిన ఈ సినిమా సెట్స్ నుంచి ఏదో ఒకటి లీక్ అవుతునే ఉంది.
గతంలో పుష్ప2 ఆన్ సెట్స్ ఫోటోలు, వీడియోలు లీక్ అవగా.. తాజాగా ఇప్పుడు పుష్ప2(pushpa2) షూటింగ్ స్పాట్‌లో ఉన్న ప్లెక్సీ ఒకటి లీక్ అయింది. ఆ ప్లెక్సీలో అల్లు అర్జున్ మెగాభిమానిగా.. ఇంద్ర సినిమా థియేటర్ దగ్గర చిరంజీవి(Chiranjeevi) కటౌట్‌ ఒకటి కనిపిస్తోంది. దీనిపై పుష్పరాజ్ యువసేన తిరుపతి అని రాసి ఉంది. రీసెంట్‌గానే ఈ థియేటర్ సీక్వెన్స్ షూట్ చేసినట్టుగా సోషల్ మీడియాలో వైరల్ అవుతోంది. ఇది నిజంగానే పుష్ప2 షూటింగ్ ఫోటోనా? లేదనే డౌట్స్ ఉన్నాయి. కానీ ఒకవేళ మెగాస్టార్ అభిమానిగా అల్లు అర్జున్ కనిపిస్తే.. మెగాభిమానులకు థియేటర్లో పూనకాలు రావడం పక్కా. అయితే ఇందులో నిజమెంత అనేది తెలియాలంటే.. పుష్ప2 రిలీజ్ డేట్ ఆగష్టు 15 వరకు వెయిట్ చేయాల్సి ఉంటుంది. ఇదిలా ఉంటే.. ఉత్తమ నటుడిగా 69వ జాతీయ అవార్డ్ సొంతం చేసుకున్న బన్నీ.. ఆ అవార్డ్‌ను రాష్ట్రపతి చేతుల మీదుగా అందుకోవడానికి ఢిల్లీకి వెళ్లాడు. ప్రస్తుతం అందుకు సంబంధించిన ఫోటోలు కూడా వైరల్ అవుతున్నాయి.
ఇది కూడా చూడండి: Imman: హీరో శివకార్తికేయ దారుణంగా మోసం చేశాడు
