కొరటాల శివ దర్శకత్వంలో భారీ పాన్ ఇండియా ప్రాజెక్ట్ చేయబోతున్నాడు యంగ్ టైగర్ ఎన్టీఆర్. ఇప్పటికే అధికారిక ప్రకటన కూడా ఇచ్చారు. అయితే షూటింగ్ అప్టేట్‌తో పాటు మిగతా నటీ నటుల విషయంలో మాత్రం.. ఎన్టీఆర్ 30 సస్పెన్స్‌గా మారింది. ముఖ్యంగా హీరోయిన్ విషయంలో తేల్చుకోలేకపోతున్నారు నెటిజన్స్. కానీ ఇండస్ట్రీ వర్గాల్లో మాత్రం రోజుకో హీరోయిన్ పేరు ప్రచారంలోకి వస్తోంది. ఇప్పటి వరకు సాయి పల్లవి, కీర్తి సురేష్ వంటి పలువురు ముద్దుగుమ్మల పేర్లు వినిపించగా.. రష్మిక మందన దాదాపుగా ఫిక్స్ అయిపోయిందని వినిపించింది. కానీ ఇంకా ఈ విషయంలో క్లారిటీ లేదు.
అయితే ప్రస్తుతం కొరటాల ఈ సినిమాకు సంబంధించిన కాస్ట్‌ను ఎంపిక చేసే పనిలో ఉన్నాడట. ఈ నేపథ్యంలో తాజాగా బాలీవుడ్ బ్యూటీ దాదాపు కన్ఫామ్ అయిపోయిందనే న్యూస్ సోషల్ మీడియాలో వైరల్ అవుతోంది. శ్రీదేవి కూతురు జాన్వీ కపూర్ ఎప్పటి నుంచో టాలీవుడ్‌లోకి ఎంట్రీ ఇవ్వాలని చూస్తోంది. అందుకు సరైన ఆఫర్ కోసం వెయిట్ చేస్తోంది.
రీసెంట్‌గా యంగ్ టైగర్‌తో నటించడానికి.. ఆసక్తిగా ఎదురు చూస్తున్నానని ఓ ఇంటర్వూలో చెప్పుకొచ్చింది ఈ హాట్ బ్యూటీ. ఈ క్రమంలో ఇప్పుడు ఎన్టీఆర్ 30లో ఈ బ్యూటీ ఫైనల్ అయినట్టు తెలుస్తోంది. దీనిపై అతి త్వరలోనే అధికారిక ప్రకటన రానుందని తెలుస్తోంది. ఇకపోతే.. ఎన్టీఆర్ ఆర్స్ట్, యువసుధ ఆర్స్ట్ బ్యానర్లు సంయుక్తంగా.. పాన్ ఇండియా స్థాయిలో భారీ బడ్జెట్‌తో ఈ చిత్రాన్ని నిర్మిస్తున్నాయి. ఈ నెలలోనే షూటింగ్ మొదలు పెట్టబోతున్నట్టు తెలుస్తోంది.
ఇది కూడా చూడండి: ‘ఏజెంట్(agent)’ ఇలా అయితే కష్టమే!
