ప్రస్తుతం పాన్ ఇండియా స్టార్ ప్రభాస్ నటిస్తున్న సినిమాల్లో.. ఆదిపురుష్ ముందుగా రిలీజ్ కాబోతోంది. వచ్చే ఏడాది సంక్రాంతి కానుకగా జనవరి 12న.. ప్రపంచ వ్యాప్తంగా భారీ స్థాయిలో రిలీజ్ చేసేందుకు సన్నాహాలు చేస్తున్నారు. దర్శకుడు ఓం రౌత్ ఈ ప్రాజెక్ట్‌ను విజువల్ వండర్‌గా ప్రేక్షకుల ముందుకు తీసుకురాబోతున్నాడు. దాంతో ఈ సినిమా పై భారీ ఆశలే పెట్టుకున్నారు ప్రభాస్ ఫ్యాన్స్. కానీ ఇప్పటి వరకు ఈ సినిమాకు సంబంధించి ఎలాంటి అప్టేట్ ఇవ్వడం లేదు. సినిమా మొద‌లై, షూటింగ్ పూర్త‌యి చాలా కాలం అయినా క‌నీసం ఫస్ట్ లుక్ కూడా రిలీజ్ చేయ‌లేదు.
ఇదే విషయాన్ని మేకర్స్‌ను అడుగుతునే ఉన్నారు అభిమానులు. దాంతో ప్రభాస్ బర్త్ డే సందర్భంగా.. అక్టోబ‌రు 23న ఆదిపురుష్ నుంచి బిగ్ అప్టేట్ రావడం పక్కా అని ఫిక్స్ అయిపోయారు. తాజాగా ఇదే విషయాన్ని ముంబ‌యిలో మీడియా కంటప‌డ్డ ద‌ర్శ‌క నిర్మాత ఓం రౌత్‌ను అడగ్గా గుడ్ న్యూస్ చెప్పాడు. ప్రభాస్ బర్త్ డే కానుకగా ఖచ్చితంగా ట్రీట్ ఉంటుంద‌ని.. అయితే అది జ‌స్ట్ ఫస్ట్ లుక్ మాత్రమే కాద‌ని చెప్పుకొచ్చాడు. దాంతో ఓం రౌత్.. ప్రభాస్ పుట్టిన రోజుకి చాలా పెద్ద ట్రీటే ప్లాన్ చేశాడని అంటున్నారు. ఆదిపురుష్ టీజ‌ర్ లేదా ఏకంగా ట్రైలర్ లాంచ్ చేసిన ఆశ్చర్యపోనక్కర్లేదంటున్నారు. ఎందుకంటే.. అప్పటికే సినిమా రిలీజ్ డేట్ దగ్గర పడపనుంది. కాబట్టి ఈసారి ఆదిపురుష్ నుంచి పెద్ద ట్రీట్ రానుందని చెప్పొచ్చు. ఇకపోతే రామాయణం ఆధారంగా తెరకెక్కుతున్న ఈ సినిమాలో.. సీత పాత్రలో కృతి సనన్‌ నటిస్తోంది. దాదాపు 500 కోట్ల బడ్జెట్‌తో ఆదిపురుష్‌ను నిర్మిస్తున్నారు.
