Balayya is back.. NBK 109 release date fixed?
NBK 109: ఎమ్మేల్యేగా హాట్రిక్ విజయాన్ని అందుకున్న బాలయ్య.. సినిమాల పరంగాను హ్యాట్రిక్ జోష్‌లో ఉన్నారు. అఖండ, వీరసింహారెడ్డి, భగవంత్ కేసరి సినిమాలు బ్లాక్ బస్టర్స్‌గా నిలిచాయి. దీంతో.. ఇప్పుడు అంతకుమించి అనేలా ఎన్బీకె 109 ప్రాజెక్ట్ చేస్తున్నారు. వాల్తేరు వీరయ్య తర్వాత డైరెక్టర్ బాబీ తెరకెక్కిస్తున్న సినిమా కావడంతో.. అంచనాలు భారీగా ఉన్నాయి. ఈ సినిమాను సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ బ్యానర్ పై నాగవంశీ, సాయి సౌజన్య గ్రాండ్‌గా నిర్మిస్తున్నారు. తమన్ మ్యూజిక్ అందిస్తున్నాడు. ఇప్పటికే రిలీజ్ చేసిన ఎన్బీకె 109 గ్లింప్స్ సినిమాపై అంచనాలు పెంచేశాయి. తాజాగా ఈ సినిమా షూటింగ్ మళ్లీ స్టార్ట్ అయింది. మొన్నటి వరకు రాజకీయాలలో బిజీగా ఉన్నా బాలయ్య.. లేటెస్ట్‌గా NBK 109 షూటింగ్ సెట్స్‌లోకి జాయిన్ అయ్యారు. ఇప్పటికే సగానికి పైగా షూటింగ్ పూర్తి కాగా, మరో నెల రోజుల షూటింగ్‌తో టాకీ పార్ట్ పూర్తి అవుతుందని సమాచారం.
చదవండి:Kalki: కల్కీ సెకండ్ ట్రైలర్ ఎప్పుడో తెలుసా?
ఇదే స్పీడ్‌లో దసరా కానుకగా అక్టోబర్ 10న ఈ సినిమా రిలీజ్‌కు ప్లాన్ చేస్తున్నట్టుగా తెలుస్తోంది. ఇప్పటికే.. అక్టోబర్ 10న రావాల్సిన దేవర సినిమా.. సెప్టెంబర్ 27కి ప్రీ పోన్ అయిన సంగతి తెలిసిందే. ప్రస్తుతానికి దసరా స్లాట్ ఖాళీగానే ఉంది. దీంతో.. ఎన్బీకె 109ని రిలీజ్ చేసేందుకు మేకర్స్ ప్లాన్ చేస్తున్నారట. పోయిన దసరాకు భగవంత్ కేసరిగా వచ్చి హ్యాట్రిక్ హిట్ కొట్టాడు బాలయ్య. ఇక ఇప్పుడు మరోసారి దసరాకు రచ్చ చేయడానికి రెడీ అవుతున్నాడనే చెప్పాలి. ఇక ఈ సినిమా తరువాత దర్శకుడు బోయపాటి శ్రీనుతో మరో సినిమా చేయనున్నాడు బాలయ్య. రీసెంట్‌గానే ఈ ప్రాజెక్ట్‌ను ‘BB4’ వర్కింగ్ టైటిల్‌లో అనౌన్స్ చేసారు. ఎన్బీకె 109 అయిపోయిన వెంటనే.. ‘BB4’ షూటింగ్ మొదలు కానుంది.
చదవండి:sruthi hasan : కమల్‌హాసన్‌ బయోపిక్‌కి శృతి దర్శకత్వం?
