పుష్ప సినిమాతో పాన్ ఇండియా బ్యూటీగా మారిపోయిన రష్మిక మందన్న.. ప్రజెంట్ ఐకాన్ స్టార్ అల్లు అర్జున్ హిట్ సీక్వెల్ ‘పుష్ప2’లో నటిస్తోంది. అలాగే ‘రెయిన్‌బో’ అనే ఓ లేడీ ఓరియెంటేడ్ ప్రాజెక్ట్ కూడా చేస్తోంది. మరో వైపు బాలీవుడ్‌లోను వరుస సినిమాలు చేస్తోంది. ఇప్పటికే గుడ్ బై, మిస్టర్ మజ్ను చిత్రాలతో బాలీవుడ్‌లో తన అదృష్టాన్ని పరీక్షించుకుంది. త్వరలోనే అర్జున్ రెడ్డి డైరెక్టర్ సందీప్ రెడ్డి వంగా తెరకెక్కిస్తున్న ‘యానిమల్’ సినిమాతో ఆడియెన్స్ ముందుకు రాబోతోంది.
చదవండి: Ditto Alia లాగా రోస్ని.. ‘వాట్ జుంకా’ పాటకు అదిరే స్టెప్పులు
రణ్‌ బీర్‌ కపూర్‌ హీరోగా నటిస్తున్న ఈ సినిమాపై రష్మిక భారీ ఆశలే పెట్టుకుంది. ఇక ఈసినిమాలతో పాటు ఇంకా కొన్ని భారీ ప్రాజెక్ట్స్ చర్చల దశలో ఉన్నాయి. టాలీవుడ్, కోలీవుడ్, బాలీవుడ్‌లో వరుస ఆఫర్స్ వస్తున్నాయి. ఇప్పటికే కోలీవుడ్‌లో ఇళయ దళపతి విజయ్ సరసన ‘వారిసు’ సినిమాలో నటించి మంచి విజయాన్ని తన ఖాతాలో వేసుకుంది. ఇక ఇప్పుడు మరో కోలీవుడ్ స్టార్ హీరో చియాన్ విక్రమ్‌తో ఛాన్స్ అందుకున్నట్టుగా తెలుస్తోంది. ఇటీవల కేరళ వరదల నేపథ్యంలో రూపొందించిన ‘2018’ చిత్రంతో సెన్సేషన్ క్రియేట్ చేశాడు మలయాళి దర్శకుడు జాడ్‌ ఆంథోని జోసెఫ్‌.
చదవండి: Kodali Nani : చిరు కామెంట్స్ పై కొడాలి నాని రియాక్షన్.. ఇండస్ట్రీలో పకోడీ గాళ్లు
ఈ సినిమా తర్వాత ఈ టాలెంటెడ్ డైరెక్టర్ మల్టీస్టారర్ ప్రాజెక్ట్‌కు ప్లాన్ చేస్తున్నాడు. ఇందులో విక్రమ్ మెయిన్ హీరోగా నటిస్తుండగా.. మరో యంగ్ హీరో ఫైనల్ అవాల్సి ఉంది. లైకా ప్రొడక్షన్స్‌ నిర్మించనున్న ఈ సినిమాలోనే విక్రమ్ సరసన రష్మిక మందన్న హీరోయిన్‌గా ఫైనల్ అయిందని సమాచారం. త్వరలోనే ఈ ప్రాజెక్ట్ గురించి అఫిషీయల్ అనౌన్స్మెంట్ రానుంది. దీంతో రష్మిక కెరీర్ ఫుల్ స్వింగ్‌లో దూసుకుపోతోందని చెప్పొచ్చు. అయితే.. ఇటీవల వెంకీ కుడుముల దర్శకత్వంలో నితిన్ హీరోగా రూపొందుతున్న సినిమా నుంచి మాత్రం తప్పుకుంది అమ్మడు.
