Allu Arjun's 'Pushpa 2' has no usual competition?
Pushpa 2: ఈసారి కొడితే బాక్సాఫీస్ దిమ్మ తిరిగిపోవాల్సిందేనని అంటున్నాడు ఐకాన్ స్టార్ అల్లు అర్జున్. పుష్ప పార్ట్ 1 హిట్‌తో పార్ట్ 2ని నెక్స్ట్ లెవల్ అనేలా ఆడియెన్స్ ముందుకు తీసుకురాబోతున్నాడు సుకుమార్. ప్రస్తుతం శరవేగంగా షూటింగ్ జరుపుకుంటోంది పుష్ప2. నెక్స్ట్ షెడ్యూల్‌ వైజాగ్‌లో ప్లాన్ చేస్తున్నారు. ఆగష్టు 15న పుష్ప.. ది రూల్ రిలీజ్‌కు ప్లాన్ చేస్తున్నారు. అయితే.. పాన్ ఇండియా లెవల్లో వస్తున్న ఈ సినిమాకు గట్టి పోటీ తప్పేలా లేదు. తెలుగు నుంచి మరో సినిమా రిలీజ్ కావడం లేదు కానీ.. తమిళ్, హిందీ నుంచి మాత్రం బాక్సాఫీస్ ఫైట్ తప్పదని అంటున్నారు. దీంతో వెయ్యి కోట్లు టార్గెట్‌గా బాక్సాఫీస్ బరిలోకి దిగుతున్న పుష్పరాజ్‌కు ఓపెనింగ్స్ విషయంలో ఎఫెక్ట్ పడేలా ఉంది. ఎందుకంటే.. థియేటర్స్ విషయంలో ఇబ్బంది పడే ఛాన్స్ ఉంది. హిందీలో రోహిత్ శెట్టి ‘సింగమ్ ఎగైన్’ సినిమా పుష్ప2 టైంలోనే రిలీజ్‌కు రెడీ అవుతోంది.
చదవండి:Vijay Devarakonda: స్టార్ హీరోయిన్‌కు రౌడీ హ్యాండ్.. నెంబర్ కూడా బ్లాక్ చేశాడా?
అజయ్‌ దేవగన్ ప్రధాన పాత్రలో నటిస్తున్న ఈ సినిమాలో దీపికా పదుకొనే, టైగ‌ర్ ష్రాఫ్, రణ్‌వీర్ సింగ్ కీ రోల్స్ పోషిస్తున్నారు. దీంతో.. ఈ సినిమా నుంచి పుష్ప 2కు హిందీ బెల్ట్‌లో గట్టి పోటీ ఉంటుందని చెప్పాలి. మరోవైపు.. కోలీవుడ్ స్టార్ హీరో విజయ్ కూడా పుష్ప2కి పోటీగా వచ్చే అవకాశం ఉందంటున్నారు. వెంకట్ ప్రభు డైరెక్ట్ చేస్తున్న ‘గ్రేటెస్ట్ ఆఫ్ ఆల్ టైం’ సినిమాను ఆగస్ట్‌లోనే రిలీజ్ చేయాలనే ఆలోచనలో ఉన్నారట. పాన్ ఇండియా రేంజ్‌లో గోట్ విడుదల చేసేలా మేకర్స్ ప్లాన్ చేస్తున్నారట. దీంతో.. సౌత్‌తో పాటు నార్త్‌లోను విజయ్, అల్లు అర్జున్ మధ్య బిగ్ ఫైట్ తప్పదనే చెప్పాలి. అయితే.. గోట్ రిలీజ్ డేట్ విషయంలో ఇంకా క్లారిటీ రావాల్సి ఉంది కాబట్టి.. అప్పటి వరకు వెయిట్ చేయాల్సిందే.
చదవండి:Kajal Aggarwal: కాజల్‌ షాకింగ్ వీడియో.. ఏకంగా అక్కడ చేయి వేశాడు!
