Accident on the set of Hero Karthi Sardar 2.. Stunt man died
Sardar 2: తమిళ హీరో కార్తి నటిస్తున్న తాజా చిత్రం సర్దార్2 సెట్‌లో ప్రమాదం జరిగింది. ఈ ప్రమాదంలో స్టంట్ మ్యాన్ మృతిచెందినట్లు చిత్ర యూనిట్ ప్రకటించింది. ఈ చిత్రం కోసం భారీ సెట్టు వేశారు. అక్కడే ఓ యాక్షన్ సీన్ చేస్తున్నారు. అందులో భాగంగా స్టంట్ మ్యాన్ ఎజుమలై ఓ ఫైట్ సీన్‌ను కంపోజ్ చేశారు. దాన్ని ప్రాక్టీస్ చేస్తున్న సమయంలో కాలు జారింది. దాదాపు 20 అడుగులు ఎత్తునుంచి కింద పడ్డాడు. వెంటనే స్పందించిన చిత్ర బృందం ఎజుమలైని ఆసుపత్రికి తరలించారు. అంత ఎత్తునుంచి కిందపడడంతో పక్కటెముకలు విరగడం, ఊపిరిత్తుల్లో రక్తస్రావం కావడంతో అతడు చనిపోయినట్లు వైద్యులు ధృవీకరించారు. ఇదే విషయాన్ని చిత్ర యూనిట్ సామాజిక మాధ్యమాల ద్వారా వెల్లడించారు.
చదవండి:Samantha : ఇప్పుడు చాలా స్ట్రాంగ్‌ అయ్యా : సమంత
కార్తి హీరోగా రాశి కన్నా హీరోయిన్‌గా తెరకెక్కిన చిత్రం సర్దార్. 2022లో ప్రేక్షకుల ముందుకు వచ్చిన ఈ యాక్షన్, థ్రిల్లర్, ఎంటర్‌టైనర్ మంచి విజయాన్ని నమోదు చేసుకుంది. ఈ చిత్రంలో కార్తి ద్విపాత్రాభినయం చేశారు. పీఎస్ మిత్రన్ దర్శకత్వం వహించిన ఈ చిత్రానికి సీక్వెల్‌గా సర్దార్2 తెరకెక్కుతుంది. భారీ బడ్జెడ్‌తో ప్రజాదరణ పొందేలా ఈ చిత్రాన్ని రూపొందిస్తున్నట్లు మేకర్స్ వెల్లడించారు. దీనిలో ఎస్ జే సూర్య కీలక పాత్రలో నటిస్తున్నారు. అయితే స్టంట్స్ జరిగే సమయంలో హీరో అక్కడ ఉన్నాడా లేదా అన్న విషయంలో క్లారిటీ లేదు.
చదవండి:gun Fire : జమ్ముకశ్మీర్లో ఉగ్రవాదులు, సైనికుల మధ్య ఫైరింగ్‌
