బాలకృష్ణ నటిస్తున్న వీరసింహారెడ్డి పై భారీ అంచనాలున్నాయి. ఇప్పటికే ప్రమోషన్స్ జోరుగా చేస్తోంది చిత్ర యూనిట్. పాటలు, పోస్టర్స్ సినిమా పై అంచనాలను పెంచుతునే ఉన్నాయి. అందుకు తగ్గట్టే ఈ సినిమా ప్రీ రిలీజ్ బిజినెస్.. బాలయ్య కెరీర్లో హైయెస్ట్ అంటున్నారు. అలాగే అఖండ రికార్డ్‌ను కూడా బ్రేక్ చేసినట్టు తెలుస్తోంది. అఖండ, అన్‌స్టాపబుల్ షోతో ప్రస్తుతం ఫుల్ స్వింగ్‌లో ఉన్నారు బాలయ్య. అందుకే వీరసింహారెడ్డి ప్రీ రిలీజ్ బిజినెస్ దాదాపు 76 కోట్ల వరకు జ‌రిగిన‌ట్లు ట్రేడ్ వర్గాల మాట. అఖండ ప్రీ రిలీజ్ బిజినెస్ 56 కోట్ల వరకు జరగగా.. ఇప్పుడా రికార్డ్‌ను వీరసింహారెడ్డి బ్రేక్ చేసిందంటున్నారు. మొత్తంగా రెండు తెలుగు రాష్ట్రాల్లో క‌లిపి వీరసింహారెడ్డి బిజినెస్.. దాదాపు 66 కోట్ల వరకు జరిగిందట. రెస్టాఫ్ ఇండియాలో 7 కోట్లు, ఓవ‌ర్‌సీస్‌లో 3 కోట్లకు థియేట్రికల్ రైట్స్ అమ్ముడుపోయినట్టు టాక్. దాంతో ఈ సినిమా 78 కోట్ల బ్రేక్ ఈవెన్ బరిలోకి దిగనుందని అంటున్నారు. అయితే ప్రస్తుతం బాలయ్య క్రేజ్ ముందు ఇదేం పెద్ద టార్గెట్ కాదనే చెప్పాలి. సంక్రాంతి సెలవుల్లోనే బాలయ్య బ్రేక్ ఈవెన్ టార్గెట్ రీచ్ అయి.. లాభాల బాట పట్టడం ఖాయమంటున్నారు. ఇక రవితేజ ‘క్రాక్’ వంటి బ్లాక్ బస్టర్ తర్వాత.. మాస్ గోపీచంద్ మలినేని దర్శకత్వంలో తెరకెక్కిన ఈ సినిమాలో.. శృతి హాసన్ హీరోయిన్‌గా నటిస్తోంది. వ‌ర‌ల‌క్ష్మి శ‌ర‌త్‌కుమార్ కీల‌క పాత్ర పోషిస్తోంది. త‌మ‌న్ సంగీతాన్ని అందిస్తున్నాడు. ప్రముఖ నిర్మాణ సంస్థ మైత్రీ మూవీ మేకర్స్ నిర్మించారు. జనవరి 12న ఈసినిమా థియేటర్లోకి రాబోతోంది. మరి వీరసంహారెడ్డి ఎలాంటి విజయాన్ని అందుకుంటాడో చూడాలి.
