నందమూరి నటసింహం నటిస్తున్న ‘వీరసింహా రెడ్డి’ మరో రెండు రోజుల్లో థియేటర్లోకి రాబోతోంది. మైత్రీ మూవీ మేకర్స్ బ్యానర్ పై గోపీచంద్ మలినేని డైరెక్ట్ చేస్తున్న ఈ సినిమా పై భారీ అంచనాలున్నాయి. ఇప్పటికే ప్రమోషన్స్‌ పీక్స్‌లో ఉండడం.. సాంగ్స్, ట్రైలర్ అదిరిపోయేలా ఉండడంతో.. సాలిడ్ హైప్ క్రియేట్ అవుతోంది. ఇదే ఊపులో అన్‌స్టాపబుల్‌లో సందడి చేయబోతోంది వీరసింహారెడ్డ టీమ్. సంక్రాంతికి టెలికాస్ట్ కానున్న ఈ స్పెషల్ ఎపిసోడ్ గురించి.. ఇప్పటికే ఆహా టీమ్ అప్డేట్ ఇచ్చేసింది. ‘ఈసారి పండుగకి బాలయ్య తరపునుంచి ఒక మాస్ కానుక.. గాడ్ ఆఫ్ మాసెస్ విత్ ది టీం ఆఫ్ ది మాసివ్ వీర సింహా రెడ్డి. అన్ స్టాపబుల్ సంక్రాంతి సెలబ్రేషన్స్ విత్ ఎన్బీకె, కమింగ్ సూన్’ అంటూ ఆహా అఫీషియల్ ట్విట్టర్ అకౌంట్‌లో పోస్ట్ చేశారు. తాజాగా ఈ ఎపిసోడ్ షూటింగ్ కంప్లీట్ అయినట్టు తెలుస్తోంది. ఈ కార్యక్రమంలో నందమూరి బాలకృష్ణతో పాటు హీరోయిన్ శృతి హాసన్, దర్శకుడు గోపీచంద్ మలినేని పాల్గొన్నారు. సినిమా విశేషాలతో పాటు.. వీరసింహారెడ్డి సంక్రాంతి సెలబ్రేషన్స్ ఈ ఎపిసోడ్‌లో చూడబోతున్నాం. రేపో మాపో ఈ ఎపిసోడ్ ప్రోమో రిలీజ్ చేయబోతున్నారు. వీరసింహారెడ్డి సినిమా జనవరి 12 రిలీజ్ అవుతుండగా.. ఈ ఎపిసోడ్‌ను అదే రోజు స్ట్రీమింగ్ చేస్తారా.. లేదంటే ప్రతి శుక్రవారం లాగే.. జనవరి 13న అందుబాటులోకి తీసుకొస్తారా.. అనేది తెలియాల్సి ఉంది. ఇకపోతే వీరసింహారెడ్డి స్పెషల్ ఎపిసోడ్ తర్వాత.. పవర్ స్టార్ పవన్ కళ్యాణ్ ఎపిసోడ్ స్ట్రీమింగ్‌కు ప్లాన్ చేస్తున్నారు. బహుశా నెక్స్ట్ వీక్ పవర్ స్టార్ ఎపిసోడ్ ఉంటుందంటున్నారు.
