Katrina Kaif Bodyguard: తెలుగులో వెంకటేష్ సరసన మల్లీశ్వరి సినిమాతో ఎంట్రీ ఇచ్చింది కత్రినా కైఫ్. మొదటి సినిమాకే రూ.75లక్షల పారితోషకం తీసుకుని చర్చనీయాంశంగా మారింది. ఆ తర్వాత బాలయ్యతో అల్లరి పిడుగు సినిమా చేసి టాలీవుడ్ కు బై బై చెప్పేసింది. చేసింది రెండు సినిమాలే అయినా తెలుగు ప్రేక్షకులను ఆకట్టుకుంది. తర్వాత బాలీవుడ్ కు పరిమితమైపోయింది. ప్రస్తుతం అక్కడ స్టార్ హీరోయిన్ గా తన హవా కొనసాగిస్తోంది. అక్కడ వరుస సినిమాల్లో నటిస్తూ దూసుకుపోతుంది. ప్రస్తుతం కత్రినా కైఫ్ సల్మాన్ కాంబోలో టైగర్ 3 సినిమాతో ప్రేక్షకులను అలరించేందుకు సిద్ధమవుతున్నారు. మరోవైపు టైగర్ 3లో కత్రినా కైఫ్ గ్లామర్ షో తెగ వైరల్ అవుతోంది.
డిసెంబర్ లో వస్తున్న ఈ సినిమా ట్రైలర్ కు ఇప్పటికే 48 మిలియన్ వ్యూస్ వచ్చాయి. అంతేకాదు ఇందులో గ్లోబల్ స్టార్ జూనియర్ ఎన్టీఆర్ కూడా అతిథి పాత్రలో నటిస్తున్నట్లు వార్తలు వస్తున్నాయి. ఇదిలా ఉంటే 40 ఏళ్లు దాటినప్పటికీ ఈ అమ్మడు పడుచుపిల్లలా కనిపిస్తూ వరుస ఆఫర్లు అందుకుంటుంది. ఒక్కో సినిమాకు దాదాపు రూ.12కోట్ల రెమ్యునరేషన్ తీసుకుంటుంది. కాగా, ఆమె బాడీగార్డ్ జీతం ఇప్పుడు వైరల్‌గా మారింది. కత్రినా కైఫ్ బాడీ గార్డ్ పేరు దీపక్ సింగ్. అతడి జీతం ఏడాదికి రూ.కోటి అని తెలుస్తోంది. ఏది ఏమైనా కత్రినా కైఫ్ తన బాడీగార్డ్ కోసం ఏడాదికి కోటి రూపాయలు ఖర్చు చేయడం అందరినీ ఆశ్చర్యానికి గురిచేస్తోంది. స్టార్ సెలబ్రిటీగా కొనసాగితే ప్రజల్లోకి రావాలి అంటే ఆ రేంజ్ లో రెమ్యూనరేషన్ ఇచ్చి బాడీ గార్డుకు ఇచ్చుకోవాల్సిందే అని అంటున్నారు నెటిజన్లు.
చదవండి:Journalist Sowmya: అయిదుగురు దోషులుగా.. హత్య కేసులో కోర్టు కీలక తీర్పు
