ఈ సారి సంక్రాంతికి బాక్సాఫీస్ వార్ ఓ రేంజ్‌లో ఉండబోతోంది. మెగాస్టార్ చిరంజీవి నటించిన ‘వాల్తేరు వీరయ్య’ సినిమా జనవరి 13వ తేదీన విడుదల కాబోతోంది. ఇక ముందు రోజు.. అంటే జనవరి 12న బాలకృష్ణ నటించిన ‘వీరసింహారెడ్డి’ రిలీజ్‌కు రెడీ అవుతోంది. అదే రోజు తమిళ హీరో విజయ్ నటించిన ‘వారసుడు’ రాబోతోంది. అలాగే మరో తమిళ్ స్టార్ అజిత్ నటించిన ‘తునివు’ కూడా డబ్బింగ్ మూవీగా తెలుగులో విడుదల కాబోతోంది. ఈ నాలుగు సినిమాలతో పాటు మరో రెండు మూడు చిన్న సినిమాలు కూడా విడుదలకు సిద్ధమవుతున్నాయి. దాంతో ప్రమోషన్స్‌తో పాటే మిగతా కార్యక్రమాలు పూర్తి చేసే పనిలో ఉన్నారు మేకర్స్. ఈ నేపథ్యంలో.. ‘వీరసింహారెడ్డి’ రన్ టైం లాక్ చేసినట్టు తెలుస్తోంది. గోపీచంద్ మలినేని దర్శకత్వంలో తెరకెక్కుతున్న ఈ సినిమా షూటింగ్.. ఇంకా ఒక సాంగ్ మాత్రమే బ్యాలెన్స్ ఉందట.. అలాగే మరోపక్క పోస్ట్ ప్రొడక్షన్ పనులు కూడా శరవేగంగా జరుపుకుంటోంది. ఈ క్రమంలో తాజాగా ‘వీరసింహారెడ్డి’ రన్ టైం ఫిక్స్ అయిందంటున్నారు. ఈ సినిమా రెండు గంటల నలబై మూడు నిముషాల రన్ టైంతో రాబోతోందట. ఇదే నిజమైతే.. ఇది లాంగ్ రన్ టైం అనే చెప్పాలి. అంతేకాదు.. ఇంటర్వెల్‌తో కలుపుకుంటే.. దాదాపు మూడు గంటల పాటు ‘వీరసింహారెడ్డి’ కోసం థియేటర్లో ఉండాల్సిందేనని చెప్పొచ్చు. ఇకపోతే.. ఈ సినిమాలో బాలయ్య సరసన శృతి హాసన్ హీరోయిన్‌గా నటిస్తోంది.. ఇందులో బాలయ్య రెండు విభిన్న పాత్రలలో కనిపించనున్నారు. మరి అఖండతో జోష్ మీదున్న బాలయ్య.. వీరసింహారెడ్డిగా ఎలాంటి రిజల్ట్ అందుకుంటారో చూడాలి.
