పవర్ స్టార్ పవన్ కళ్యాణ్ నటిస్తున్న ‘హరి హర వీర మల్లు’ షూటింగ్.. ప్రస్తుతం శరవేగంగా జరుగుతోంది. దర్శకుడు క్రిష్ జాగర్లమూడి ఈ చిత్రానికి దర్శకత్వం వహిస్తున్నారు. ఎ.ఎం. రత్నం సమర్పణలో మెగా సూర్య ప్రొడక్షన్‌ పతాకంపై.. భారీ స్థాయిలో తెరకెక్కుతున్న ఈ సినిమాలో.. నిధి అగర్వాల్ హీరోయిన్‌గా నటిస్తోంది. పవన్ చేస్తున్న ఫస్ట్ పాన్ ఇండియన్ ఫిల్మ్ ఇదే. దాంతో ఈ సినిమా కోసం పవన్ ఫ్యాన్స్ ఎంతగానో ఎదురు చూస్తున్నారు. తాజాగా ఈ సినిమా షూటింగ్‌లో ప్రముఖ హిందీ నటుడు బాబీ డియోల్ జాయిన్ అయ్యారు. మొఘల్ చక్రవర్తి ఔరంగజేబు పాత్రలో ఆయన కనిపించనున్నారు. అయితే ఈ కీలకమైనషెడ్యూల్ కోసం 17వ శతాబ్దానికి చెందిన భారీ దర్బార్ సెట్‌ను రూపొందించారు. పవన్ కళ్యాణ్, బాబీ డియోల్ మధ్య వచ్చే కీలక సన్నివేశాలను ఈ సెట్‌లోనే షూట్ చేయనున్నారు. ఈ సందర్భంగా బాబీ డియోల్‌కి స్వాగతం పలుకుతూ ఓ ప్రత్యేక వీడియోను విడుదల చేశారు. ఇందులో ఓ సాలిడ్ క్లారిటీ ఇచ్చారు మేకర్స్. ఈ ప్రాజెక్ట్ మొదలైనప్పటి నుంచి పోస్ట్ పోన్ అవుతునే ఉంది. దాంతో ఎప్పుడు రిలీజ్ అవుతుందనేది ఖచ్చితంగా చెప్పలేకపోయారు. గతంలో సమ్మర్ కానుకగా మార్చి 30న రిలీజ్ చేయబోతున్నట్టు చెప్పుకొచ్చారు మేకర్స్. అయితే షూటింగ్ లేట్ అవడంతో సమ్మర్లో కష్టమే అనుకున్నారు. కానీ బాబీ డియోల్ వెల్కమ్ వీడియోలో.. 2023 సమ్మర్లో రిలీజ్ చేస్తున్నట్టుగా ప్రకటించారు. దాంతో పవన్ ఫ్యాన్స్ ఖుషీ అవుతున్నారు.
