అవతార్ 2 క్రేజ్ ఎలా ఉందో సోషల్ మీడియాలో చూస్తునే ఉన్నాం.. ఈ సినిమా పై ఎక్కడా లేని అంచనాలున్నాయి. ప్రపంచ వ్యాప్తంగా ఉన్న మూవీ లవర్స్.. ప్రస్తుతం ఈ సినిమా టికెట్స్ దొరికాయ.. లేదా.. అనే చర్చలో ఉన్నారు. ఇప్పటికే ఇండియన్ స్క్రీన్స్‌లో అవతార్2 స్పెషల్ ప్రీమియర్స్ పడిపోయాయి. దాంతో మన దగ్గర టాక్ ఎలా ఉందనేది ఆసక్తికరంగా మారింది. ఇప్పటికే జేమ్స్ కెమెరాన్ తెరకెక్కించిన అవతార్2 అద్భుత సృష్టిని చూసేందుకు.. ప్రత్యేకంగా ఐమాక్స్ స్క్రీన్లను ఏర్పాటు చేశారు. అందుకే టికెట్ రేట్లు కాస్త ఎక్కువగా ఉన్నాయి. అయినా అవతార్ టికెట్స్ హాట్ కెకుల్లా అమ్ముడుపోతున్నాయి. అందుకే తగ్గట్టే కేవలం ఐమాక్స్ వెర్షన్లోనే 4000 పై చిలుకు స్క్రీన్స్‌లో ఈ సినిమా రిలీజ్ చేస్తున్నట్టు తెలుస్తోంది. దాంతో డిసెంబర్ 16న ఐమాక్స్ స్క్రీన్స్ చిరిగిపోవడం పక్కా అంటున్నారు. ఇప్పటికే హాలీవుడ్‌లో ఈ సినిమా స్పెషల్ స్క్రీనింగ్ వేయగా.. మంచి రెస్పాన్స్ వచ్చింది. ఇక రిలీజ్ టైం దగ్గర పడుతుండడంతో.. ప్రపంచంలోని పలు దేశాల్లో ప్రీమియర్ షో స్టార్ట్ అయిపోయాయి. ఇండియాలో కూడా అవతార్ 2 ప్రీమియర్ షో పడింది. బాలీవుడ్ ప్రముఖులతో పాటు మీడియా కోసం ప్రత్యేకంగా అవతార్ 2 ప్రీమియర్ షో వేశారు. ప్రస్తుతం ఈ ప్రీమియర్ షో టాక్ గురించి సోషల్ మీడియాలో ఆసక్తికరంగా చర్చ జరుగుతోంది. అంతటా ఈ సినిమాకు పాజిటివ్ రివ్యూలు వస్తున్నాయి. అవతార్ ఫస్ట్ పార్ట్ కంటే.. అవతార్ 2 మరో కొత్త లోకానికి తీసుకెళ్లాలా అద్భుతంగా ఉందని అంటున్నారు. ముఖ్యంగా ఈ సినిమాను 3డిలో ఎక్స్ పీరియన్స్ చేయడం మరో అద్భుతం అనే టాక్ వినిపిస్తోంది. దాంతో అవతార్ 2 పై మరింత ఆసక్తి పెరిగిపోతోంది. అలాగే కలెక్షన్స్ విషయంలో కనీవనీ ఎరుగని రికార్డులు క్రియేట్ చేస్తుందని చెప్పొచ్చు.
