Smuggling : స్మగ్లింగ్‌ను, అక్రమాల‌ను అరిక‌ట్టాల్సిన పోలీసులే అడ్డదారులను తొక్కుతున్నారు. ఏకంగా గంజాయి స్మగ్లింగ్ చేస్తు ఇద్దరు పోలీసులు పట్టుబడ్డారు. సైబ‌రాబాద్ ప‌రిధిలోని బాచుప‌ల్లిలో ఇద్దరు వ్యక్తులు గంజాయి అమ్మ‌డానికి ప్ర‌య‌త్నిస్తున్న‌ట్టు సమాచారం అందుకున్న బాలానగర్ టాస్క్ ఫోర్స్ పోలీసులు రంగంలోకి దిగారు. అనుమానాస్ప‌దంగా ఉన్న ఓ మారుతి ఎకో వాహ‌నాన్ని త‌నిఖీ చేశారు.
చదవండి:Gyanvapi : జ్ఞానవాపి కేసులో ముస్లింలకు ఎదురు దెబ్బ
పోలీసుల తనిఖీల్లో 22 కేజీల గంజాయి, 11 ప్యాకెట్లు లభించినట్లు తెలుస్తోంది. దీని విలువ సుమారు రూ. 8 ల‌క్ష‌ల వ‌ర‌కు ఉంటుంద‌ని పోలీసులు పేర్కొంటున్నారు. పట్టుబడ్డ ఇద్ద‌రిని విచారించారు. విచారణంలో వారు ఆంధ్ర‌ప్ర‌దేశ్‌లోని 3 వ బెటాలియ‌న్ కు చెందిన పోలీసుల‌మ‌ని చెప్పినట్టు సమాచారం. ఒకరు హెడ్ కానిస్టేబుల్, ఇంకొక‌రు కానిస్టేబుల్ అని తెలిసింది. అనారోగ్యం కార‌ణాల‌తో విధుల‌కు సెల‌వు పెట్టి.. అధిక డ‌బ్బుల‌కు ఆశ‌ప‌డి… మొద‌టిసారి గంజాయి స్మగ్లింగ్ చేస్తు ప‌ట్ట‌బ‌డ్డ‌ట్టు సమాచారం. పూర్తి వివ‌రాలు తెలియాల్సి ఉంది.
చదవండి:Arvind Kejriwal : ఈడీ సమన్లపై స్పందించిన కేజ్రీవాల్.. ఏమన్నారంటే ?
