కోనసీమ: అంతర్వేది శ్రీ లక్ష్మీనరసింహస్వామి వారి హుండీ ఆదాయాన్ని దేవాదాయ శాఖ తనిఖీదారు రామలింగేశ్వర రావు పర్యవేక్షణలో మంగళవారం లెక్కించారు. 36 రోజులకు గాను ఆలయ హుండీల ద్వారా రూ.18,92,187 ఆదాయం వచ్చిందని ఆలయ ఈవో ఎంకేటి నాగ వర ప్రసాద్ తెలిపారు. ఈ లెక్కింపులో ఆలయ సిబ్బంది, సహాయకులు పాల్గొన్నారు.
BDK: అశ్వరావుపేట మున్సిపల్ కమిషనర్ దిలీప్ రెడ్డి పట్టణ దుకాణదారులతో మంగళవారం సమావేశమయ్యారు. ప్రతి షాప్ వారు పరిశుభ్రత పాటించాలని, షాపులోని వ్యర్థాలు డస్ట్ బిన్లో వేయాలని సూచించారు. వాటిని స్వచ్ఛ ట్రాలీ వచ్చినప్పుడు అందులో వేయాలని తెలిపారు. దుకాణం ఎదుట చెత్తాచెదారం కనిపిస్తే జరిమానా విధిస్తామని అన్నారు.
MHBD: డోర్నకల్ నియోజకవర్గ పరిధిలోని సాగునీటి పారుదల శాఖ పనులను వేగవంతం చేసి, నిర్ణీత గడువులోగా పూర్తి చేయాలని MLA రామచంద్రు నాయక్ అధికారులను ఆదేశించారు. నియోజకవర్గ పరిధిలోని ఇరిగేషన్ అధికారులతో సమీక్ష సమావేశం నిర్వహించారు. నియోజకవర్గంలో సాగుతున్న నీటి పారుదల పనుల పురోగతిని అడిగి తెలుసుకున్నారు.
TPT: మే 12న నిర్వహించనున్న జపాలి హనుమాన్ జయంతి ఉత్సవాల సందర్భంగా తుడా ఛైర్మన్ డాలర్స్ దివాకర్ రెడ్డిని ఆలయ అర్చకులు మర్యాదపూర్వకంగా ఆహ్వానించారు. తుడా కార్యాలయంలో జరిగిన ఈ సమావేశంలో అర్చకులు వేదాశీర్వచనం అందించి ఆహ్వాన పత్రికను సమర్పించారు. జపాలి తీర్థం, పాపవినాశనం క్షేత్రాల్లో జరిగే ప్రత్యేక పూజా కార్యక్రమాలకు ముఖ్య అతిథిగా విచ్చేయవలసిందిగా కోరారు.
TG: తమిళనాడు అసెంబ్లీ ఎన్నికల్లో 108 స్థానాలు గెలుచుకుని అతిపెద్ద పార్టీగా అవతరించిన విజయ్ నేతృత్వంలోని టీవీకే పార్టీకి కాంగ్రెస్ పార్టీ మద్దతు ప్రకటించిన్నట్లు సమాచారం. ప్రభుత్వ ఏర్పాటుకు అవసరమైన మ్యాజిక్ ఫిగర్కు 10 స్థానాల దూరంలో TVK నిలిచిన తరుణంలో.. కాంగ్రెస్ తీసుకున్న ఈ నిర్ణయం అత్యంత ప్రాధాన్యత సంతరించుకుంది. కాగా, కాంగ్రెస్కు 5 స్థానాలు మాత్రమే ఉన్నాయి.
NGKL: జిల్లాలోని మత్స్య సహకార సంఘాల సభ్యులందరూ వెంటనే NFDP (నేషనల్ ఫిషరీస్ డిజిటల్ ప్లాట్ ఫామ్)లో రిజిస్ట్రేషన్ చేసుకోవాలని జిల్లా మత్స్య శాఖ అధికారి నరసింహరావు తెలిపారు. ప్రభుత్వ పథకాలు, బీమా సౌకర్యం పొందాలంటే నమోదు తప్పనిసరని పేర్కొన్నారు. ఈనెల 23 వ తేదీలోపు రిజిస్ట్రేషన్ పూర్తి చేయని వారు ప్రభుత్వ ప్రయోజనాలకు అనర్హులయ్యే అవకాశం ఉందని తెలిపారు.
TPT: నాగలాపురం సురుటపల్లి శ్రీ పల్లికొండేశ్వర స్వామి దేవస్థానంలో వేసవి ఎండల తీవ్రతను దృష్టిలో ఉంచుకుని భక్తుల సౌకర్యార్థం మాడవీధుల్లో కూలింగ్ పెయింట్ వేయించారు. పార్కింగ్ స్థలం నుంచి గోపురం వరకు, అక్కడి నుంచి అన్నదానం భవనం వరకు వెళ్లే మార్గాల్లో భక్తులు కాళ్లు కాలుతున్న సమస్యను గుర్తించిన ఆలయ ఛైర్మన్ డి. పద్మనాభరాజు, ఈఓ పి. లత చర్యలు చేపట్టారు.
CSKతో మ్యాచ్లో DC స్వల్ప స్కోరుకే పరిమితమైంది. నిస్సంక(19), రాహుల్(12), నితీష్(13), కరుణ్(13) తక్కువ పరుగులకే ఔటయ్యారు. దీంతో ఢిల్లీ 69 పరుగులకే 5 వికెట్లు కోల్పోయి కష్టాల్లో పడింది. ఈ దశలో స్టబ్స్(38), రిజ్వీ(40*) కలిసి 6వ వికెట్కు 65 పరుగులు జోడించి జట్టును ఆదుకున్నారు. దీంతో DC 155/7 పోరాడే స్కోరు సాధించింది. CSK బౌలర్లలో నూర్ అహ్మద్ 2 వికెట్లు పడగొట్టాడు.
JN: బచ్చన్నపేట(M) కొడవటూరు గ్రామంలో అనుమతులు లేకుండా అక్రమంగా మొరం తరలిస్తున్న ముఠాపై పోలీసులు మెరుపు దాడి చేశారు. మోరం తరలింపునకు ఉపయోగిస్తున్న నాలుగు ట్రాక్టర్లను స్వాధీనం చేసుకుని సీజ్ చేశారు.ట్రాక్టర్లతో పాటు JCB యజమానులపై కూడా కేసులు నమోదు చేసినట్లు పోలీసులు తెలిపారు. అక్రమ మైనింగ్కు పాల్పడితే కఠిన చర్యలు తప్పవని ఎస్సై శ్రీకాంత్ హెచ్చరించారు.
SDPT: బెజ్జంకి మార్కెట్ యార్డులో పొద్దుతిరుగుడు పంట కొనుగోలు నిలిచిపోవడంతో రైతులు ఇబ్బందులు పడుతున్నారు. నెలరోజులుగా మార్కెట్లో పంటకు కొనుగోలు లేక గూడెల్లి కొమురయ్య తన ఏడెకరాల పంటను ఇంటికి తీసుకెళ్లాడు. కేంద్రం కోటా ముగిసిందనే కారణంతో రాష్ట్రం కూడా కొనకపోవడంపై రైతులు ఆవేదన వ్యక్తం చేస్తున్నారు. అధికారులు, ప్రజాప్రతినిధులు స్పందించాలని డిమాండ్ చేస్తున్నారు.
MHBD: వరంగల్లో రేపు (బుధవారం) నిర్వహించనున్న బీఆర్ఎస్ రైతు సంగ్రామ సభను విజయవంతం చేయాలని జిల్లా గ్రంథాలయ సంస్థ మాజీ ఛైర్మన్ నవీన్ రావు పిలుపునిచ్చారు. ఈ సందర్భంగా ఆయన మాట్లాడుతూ.. రైతుల సమస్యలపై గళమెత్తేందుకు ఈ సభను ఏర్పాటు చేశామని, మండలంలోని రైతులు, కార్యకర్తలు భారీగా తరలిరావాలని కోరారు. కాంగ్రెస్ ప్రభుత్వం రైతులను మోసం చేస్తుందని విమర్శించారు.
CTR: చట్ట విరుద్ధ కార్యకలాపాలకు అందరూ దూరంగా ఉండాలని గంగవరం సీఐ రాంభూపాల్ సూచించారు. గంగవరం మండలంలోని మారేడుపల్లిలో పోలీసులు గ్రామ సభ నిర్వహించారు. శాంతి భద్రతలకు విఘాతం కలిగిస్తే చర్యలు తప్పవని ఆయన హెచ్చరించారు. అనుమానాస్పద సంఘటనలపై పోలీసులకు వెంటనే సమాచారం ఇవ్వాలని కోరారు. వివిధ మోసాల నుంచి కాపాడుకోవడంపై అవగాహన కల్పించారు.
AKP: ఈ ఏడాది పదవ తరగతి, ఇంటర్మీడియట్ పరీక్షల్లో మంచి ప్రతిభ కనబరిచిన విద్యార్థులను ఎలమంచిలి మండలం జంపపాలెం నూకాంబిక అమ్మవారి ఆలయం వద్ద గ్రామ పెద్దలు ఘనంగా సత్కరించారు. అమ్మవారి ఆశీస్సులతో గ్రామానికి చెందిన విద్యార్థినీ విద్యార్థులు అత్యధిక మార్కులు సాధించినట్లు గ్రామ పెద్దలు తెలిపారు. గ్రామానికి మంచి పేరు తీసుకువచ్చిన విద్యార్థులను వారు అభినందించారు.
ATP: మత్స్యకారుల ఆదాయం పెంచి వారి ఉపాధి అవకాశాలను మెరుగుపరచాలని జిల్లా కలెక్టర్ ఓ.ఆనంద్ అధికారులను ఆదేశించారు. మంగళవారం గుత్తి పట్టణ శివారులోని చెరువు వద్ద మత్స్య సహకార సంఘ సభ్యులతో ఆయన సమావేశమయ్యారు. ఈ సందర్భంగా గుత్తి మత్స్య సహకార సంఘం ఆధ్వర్యంలో 36,100 చేప పిల్లలను ఉచితంగా చెరువుల్లో వదిలారు.
EG: మహిళాభివృద్ధి, శిశు సంక్షేమ శాఖ సమన్వయంతో కిశోరి వికాసం వేసవి సెలవుల ప్రత్యేక శిక్షణ కార్యక్రమంను మంగళవారం గౌరీపట్నం అంగన్వాడి సెంటర్ -1 లో నిర్వహించారు. కిశోరి బాల బాలికలకు, ఆత్మ విశ్వాసం, స్వీయరక్షణనైపుణ్యాలు, మంచిపనులు, సరైన నిర్ణయాలు, సామర్థ్యాలు అంశాలను అంగన్వాడి సూపర్ వైజర్ శశికళ వివరించారు. బాలల పరిరక్షణ విభాగఅధికారి కాంతిలాల్ పాల్గొన్నారు.
