MNCL: నేతకాని కుల వాస్తవ జనాభా సంఖ్యను వెంటనే అధికారిక గెజిట్లో చేర్చాలని తెలంగాణ నేతకాని సంక్షేమ సంఘం నాయకులు డిమాండ్ చేశారు. ఆదివారం బెల్లంపల్లిలో వారు మాట్లాడారు. రాష్ట్రంలో నేతకాని కులస్తుల జనాభా సుమారు 15 లక్షలకుపైగా ఉన్నప్పటికీ ఇటీవల రాష్ట్ర ప్రభుత్వం నిర్వహించిన కుల గణన సర్వేలో 1.70లక్షల జనాభాను చూపించడం అన్యాయమన్నారు.
TG: కార్పొరేషన్ల పేరుతో అన్నివర్గాలను మోసం చేసిందని మాజీమంత్రి హరీష్ రావు పేర్కొన్నారు. ‘ఖమ్మం జిల్లా నుంచి ముగ్గురు మంత్రులున్నా పనులు సున్నా. 24 గంటల్లో ఖమ్మంకు మెడికల్ కాలేజ్ KCR మంజూరు చేశారు. బీసీలపై కాంగ్రెస్ ప్రభుత్వానిది చిన్నచూపు. యాదవులకు గొర్రెలు ఎప్పుడిస్తారో చెప్పాలి? పొంగులేటి అవినీతిపై అసెంబ్లీలో ప్రశ్నిస్తే మమ్మల్ని సస్పెండ్ చేశారు’ అని ఆరోపించారు.
KNR: యాసంగి సీజన్కు సంబంధించిన రైతు భరోసా 2వ విడత నిధుల విడుదల కార్యక్రమాన్ని రేపు ప్రత్యక్ష ప్రసారం వీక్షించేందుకు రైతులు పెద్ద సంఖ్యలో హాజరుకావాలని జమ్మికుంట మండల వ్యవసాయ అధికారి ఖాదర్ హుస్సేన్ కోరారు. అబాది జమ్మికుంట, వావిలాల, తనుగుల క్లస్టర్ రైతు వేదికలలో మధ్యాహ్నం 3 గంటలకు “రైతు నేస్తం” కార్యక్రమంలో లబ్ధిదారులు పాల్గొనాలని సూచించారు.
GNTR: అరండల్పేటలోని వస్త్ర దుకాణంలో పని చేస్తున్న రాజస్థాన్కు చెందిన కిషన్ అనుమానాస్పద పరిస్థితుల్లో చనిపోయాడు. ఇది హత్యేనని, యజమాని దానిని ఆత్మహత్యగా చూపిస్తున్నారని మృతుని కుటుంబ సభ్యులు ఆరోపిస్తున్నారు. మెడపై ఉరి గుర్తులు లేకపోవడం అనుమానాలు రేకెత్తిస్తోంది. దీనిపై కేసు నమోదు చేసిన పోలీసులు విచారణ కొనసాగిస్తున్నారు.
KRNL: ఇవాళ APలో ఎండలు బెంబేలెత్తించాయి. కర్నూలు(D) నగరడోనలో 45.4, కడప(D) ఖాజీపేటలో 44.5 డిగ్రీలు, చాలా చోట్ల 40 డిగ్రీల పై ఉష్ణోగ్రతలు నమోదైనట్లు APSDMA వెల్లడించింది. రేపు 32 మండలాల్లో తీవ్ర వడగాలులు, 17 మండలాల్లో వడగాలులు వీచే అవకాశం ఉందని తెలిపింది. ముఖ్యంగా పల్నాడు, ప్రకాశం, మార్కాపురం, రాయలసీమ జిల్లాల ప్రజలు అప్రమత్తంగా ఉండాలంది.
నిర్మల్ జిల్లా డీసీసీలో మార్పులు ప్రతిపాదించారు. డీసీసీ అధ్యక్షుడు, ఖానాపూర్ ఎమ్మెల్యే వెడ్మ బొజ్జు సవరించిన కార్యవర్గ జాబితాను సిద్ధం చేశారు. ధర్మ గౌడ్, రమేష్, మమ్మాయి రమేష్ను వైస్ ప్రెసిడెంట్లుగా, దాశరథి రాజేశ్వర్ను కోశాధికారిగా, డీసీసీ కార్యనిర్వాహక సభ్యుడిగా మజార్ ఖాన్ ప్రతిపాదించారు.
VZM: రాష్ట్ర స్వచ్ఛ ఆంధ్ర కార్పొరేషన్ ఛైర్మన్ కె. పట్టాభిరామ్ జిల్లా పర్యటనలో భాగంగా చీపురుపల్లి, రాజాం పట్టణాల్లో పర్యటించారు. ముందుగా చీపురుపల్లి మండల ప్రజా పరిషత్ కార్యాలయంలో సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ.. స్వచ్ఛభారత్ కార్యక్రమంలో ఆంధ్ర రాష్ట్రాన్ని దేశానికి రోల్ మోడల్ గా తీర్చిదిద్దనున్నట్లు తెలిపారు.
SRCL: రైతే రారాజుగా నిలవాలన్నదే ముఖ్యమంత్రి రేవంత్ రెడ్డి నేతృత్వంలోని ప్రజా ప్రభుత్వ లక్ష్యమని వేములవాడ మార్కెట్ కమిటీ ఛైర్మన్ రొండి రాజు పేర్కొన్నారు. ఆదివారం వేములవాడ రూరల్ మండలం లింగంపల్లి గ్రామంలో వ్యవసాయ సహకార సంఘం ఆధ్వర్యంలో ఏర్పాటు చేసిన వరి ధాన్యం కొనుగోలు కేంద్రాన్ని ఆయన ప్రారంభించారు. ఈ మేరకు గిట్టుబాటు ధర కల్పిస్తామని తెలిపారు.
KDP: ముద్దనూరులో రౌడీ షీటర్లకు పోలీసులు స్ట్రాంగ్ వార్నింగ్ ఇచ్చారు.ఎస్పీ విశ్వనాథ్ ఆదేశాల మేరకు సి.ఐ నగేష్ ఆధ్వర్యంలో వారిని పోలీస్ స్టేషన్కు పిలిపించి కౌన్సెలింగ్ నిర్వహించారు.సమాజంలో శాంతిభద్రతలకు విఘాతం కలిగించే చర్యలకు దూరంగా ఉండాలని హెచ్చరించారు.భవిష్యత్తులో చట్టవిరుద్ధ కార్యకలాపాల్లో పాల్గొంటే కఠిన చర్యలు తీసుకుంటామని స్పష్టం చేశారు.
W.G: తణుకులో వేంచేసిన కపర్దేశ్వర స్వామి వారిని ప్రముఖ చిత్ర సంగీత దర్శకుడు, గాయకుడు తమన్ ఆదివారం దర్శించుకున్నారు. తణుకులో ప్రసిద్ధిగాంచిన కపర్దేశ్వర స్వామి వారికి ఆయన ప్రత్యేక పూజలు చేశారు. ఎంతో ప్రాచుర్యం కలిగిన దేవాలయాన్ని దర్శించుకోవడం ఆనందాన్ని కలిగించిందని ఆయన అన్నారు. చారిత్రాత్మక నేపథ్యం కలిగిన తణుకు పట్టణానికి రావడం సంతోషంగా ఉందని పేర్కొన్నారు.
KMR: ఎల్లారెడ్డి పట్టణంలోని పలు వస్త్ర దుకాణాల్లో అగ్నిమాపక అధికారులు ఇవాళ అవగాహన కల్పించారు. అగ్ని ప్రమాదాలు జరగకుండా అప్రమత్తంగా ఉండాలని అగ్నిమాపక అధికారి వినోద్ అన్నారు. ప్రమాదాలు జరుగితే తీసుకోవలసిన జాగ్రత్తలను వివరించారు. కరపత్రాలు పంపిణీ చేశారు. అగ్ని ప్రమాదం జరిగిన వెంటనే 101 కు సమాచారం అందించాలని సూచించారు.
NDL: ఆళ్లగడ్డ మండలంలోని మిట్టపల్లి గ్రామంలో విషాదం చోటుచేసుకుంది. గ్రామానికి చెందిన యాతం బాల చెన్నయ్య (65) వడదెబ్బతో ఆదివారం మరణించాడు. గ్రామంలోని మామిడి తోటలో ఆయన కూలీగా పనిచేస్తూ జీవనం సాగించే వాడు. ఆదివారం పనులు చేసుకుని ఇంటికి వస్తూ కళ్ళు తిరిగి కింద పడిపోయాడు. కుటుంబ సభ్యులు హుటాహుటిన ఆసుపత్రికి తరలించగా అప్పటికే మృతి చెందినట్లు వైద్యులు తెలిపారు.
AP: సీఎం చంద్రబాబు జన్మదినం సందర్భంగా మంత్రి లోకేష్ స్పెషల్ CDP(కామన్ డిస్ ప్లే పిక్చర్) విడుదల చేశారు. ఇందులో అమరావతి, అన్న క్యాంటీన్లు, ఉచిత బస్సు వంటి కీలక పథకాలను పొందుపరిచారు. మరోవైపు, చంద్రబాబు సతీమణి భువనేశ్వరి రూ.76 లక్షల విరాళం అందజేయడంతో రేపు రాష్ట్రవ్యాప్తంగా అన్ని అన్న క్యాంటీన్లలో పేదలకు ఉచిత భోజనం పంపిణీ చేయనున్నారు.
NLG: చిట్యాలలో తెలంగాణ భాషా సాంస్కృతిక శాఖ సంచాలకులు డా. ఏనుగు నరసింహారెడ్డికి ఐఏఎస్ హోదా లభించిన సందర్భంగా.. ప్రమోద సాహితీ సంస్థ మిత్రులు కలిసి ఇవాళ ఘనంగా పౌర సన్మానం నిర్వహించారు. విశ్రాంత న్యాయమూర్తి కుకుడాల లక్ష్మణ్ ముఖ్యఅతిథిగా పాల్గొని, నరసింహారెడ్డి కృషి నేటి తరానికి స్ఫూర్తిదాయకమని కొనియాడారు. కుకుడాల గోవర్ధన్, సాహితి వేత్తలు పాల్గొన్నారు.
ELR: జంగారెడ్డిగూడెంలో బెట్టింగ్ ముఠా గుట్టు రట్టయింది. రాజుల కాలనీలో ప్రధాన నిందితుడితో పాటు మొత్తంగా ఆరుగురిని అరెస్టు చేశారు. ఈ సందర్భంగా ఏఎస్పీ సుస్మిత వివరాలు వెల్లడించారు. వారి వద్ద నుంచి రూ. 2,30,000, 12 సెల్ ఫోన్లు, రెండు లాప్ టాప్లు, బ్యాంక్ అకౌంట్లో నగదు సీజ్, ఒక ఐప్యాడ్, బెట్టింగ్కు ఉపయోగించే ఇతర ఎలక్ట్రానిక్ పరికరాలను సీజ్ చేశారు.
