HAL-ఇండస్ట్రియల్ హెల్త్ సెంటర్లో 5 విజిటింగ్ డాక్టర్స్ పోస్టులకు దరఖాస్తు ప్రక్రియ నేటితో ముగియనుంది. ఆసక్తి, అర్హత గల అభ్యర్థులు తమ వివరాలతో అప్లికేషన్ ఫామ్ను హైదరాబాద్లోని బాలానగర్ చిరునామాకు పోస్ట్ చేయాల్సి ఉంటుంది. మెరిట్, అనుభవం, ఇంటర్వ్యూ ఆధారంగా ఎంపిక ప్రక్రియ ఉంటుంది. చిరునామా, వేతనం తదితర వివరాల కోసం ఇక్కడ క్లిక్ చేయండి.
TG: ఇంజినీరింగ్, ఫార్మసీ కోర్సుల్లో ప్రవేశాలకు నిర్వహించే TG EAPCET-2026 పరీక్షకు దరఖాస్తుల గడువు APR 4వ తేదీ వరకు ఉంది. పరీక్షలు MAYలో జరగనున్నాయి. నిర్ణీత గడువులోగా దరఖాస్తు చేసుకోలేని వారు APR 10 లోపు రూ.250తో, APR 15 లోపు రూ.500, 20వ తేదీ లోపు రూ.2,500, APR 24లోపు రూ.5 వేలు, MAY 2 వరకు రూ.5 వేల ఆలస్య రుసుముతో దరఖాస్తు చేసుకునేందుకు అవకాశం కల్పించారు.
బ్యాంక్ ఆఫ్ బరోడా అనుబంధ సంస్థ BOB క్యాపిటల్ మార్కెట్ లిమిటెడ్లో 103 బిజినెస్ డెవలప్మెంట్ మేనేజర్ పోస్టులకు దరఖాస్తు చేసుకోవడానికి ఇవాళే లాస్ట్ డేట్. ఇంటర్/డిగ్రీ ఉత్తీర్ణతతో పాటు కనీసం 6 నెలల పని అనుభవం గలవారు అప్లై చేసుకునేందుకు అర్హులు. ఆసక్తి గల వారు అప్లికేషన్ ఫామ్లో తమ వివరాలను నింపి careers@bobcaps.inకు మెయిల్ చేయాల్సి ఉంటుంది.
AP: ప్రభుత్వ జూనియర్ కాలేజీల్లో రేపటి నుంచి ఇంటర్ సెకండియర్ తరగతులు ప్రారంభం కానున్నాయి. ఉ.8 నుంచి మ.12:30 వరకు బోధన ఉంటుంది. మధ్యాహ్న భోజనం తర్వాత విద్యార్థులను ఇంటికి పంపుతారు. APR 23 వరకు తరగతులు కొనసాగుతాయి. ఆ తర్వాత వేసవి సెలవులు ఉంటాయి. JUNE 1 నుంచి కాలేజీలు పునఃప్రారంభమవుతాయి. కాగా, FEB 23 నుంచి MAR 24 వరకు ఇంటర్ ప్రాక్టికల్స్, ఎగ్జామ్స్ జరిగిన విషయం తెలిసిందే.
ADB: మంచి కంటి చూపుతో ప్రమాదాల నివారణ సాధ్యమని SP అఖిల్ మహాజన్ తెలిపారు. సోమవారం బోథ్ మండల కేంద్రంలో జిల్లా పోలీసుల ఆధ్వర్యంలో ఆటో, టాక్సీ, లారీ, కార్ డ్రైవర్లకు ఉచితంగా కంటి వైద్య పరీక్షలను నిర్వహించారు. డిఫెన్సివ్ డ్రైవింగ్తో రోడ్డు ప్రమాదాలను నివారించవచ్చని, ప్రతి ఒక్కరూ తప్పనిసరిగా వాహన నియమ నిబంధనలు పాటించాలని SP సూచించారు.
చిన్న మొత్తాల పొదుపు పథకాలపై వడ్డీ రేట్లను మార్చకూడదని కేంద్ర ప్రభుత్వం నిర్ణయించింది. PPF(7.1%), సుకన్య సమృద్ధి(8.2%), కిసాన్ వికాస్ పత్ర(7.5%), NSC(7.7%) వంటి పథకాల రేట్లు ఏప్రిల్-జూన్ త్రైమాసికంలోనూ యథాతథంగా కొనసాగనున్నాయి. వరుసగా 8వ సారి రేట్లలో మార్పు చేయలేదు. ప్రతి 3 నెలలకోసారి కేంద్రం ఈ రేట్లను సమీక్షిస్తుంది. ఇంతకు మందు 2023-24లో వీటిని సవరించారు.
వొడాఫోన్ ఐడియా (Vi) తన 5G సేవల విస్తరణను వేగవంతం చేస్తోంది. ఈ ఏడాది మే నాటికి కొత్తగా 90 నగరాల్లో 5Gని అందుబాటులోకి తీసుకురావాలని లక్ష్యంగా పెట్టుకుంది. దీంతో మొత్తం నగరాల సంఖ్య 133కు చేరనుంది. AP, TG సహా 15 సర్కిల్స్పై దృష్టి సారించిన సంస్థ.. HYD, తిరుపతి వంటి నగరాల్లో సేవలు ప్రారంభించనుంది. క్వాలిటీని పెంచి వినియోగదారులను ఆకర్షించాలని Vi భావిస్తోంది.
లాకర్లలో ఏముంటుందో బ్యాంకులు చూడవని కేంద్ర ఆర్థిక మంత్రి నిర్మలమ్మ తెలిపారు. కస్టమర్లు దాచుకునే విలువైన వస్తువులను చూడటం బ్యాంకింగ్ నిబంధనలకు విరుద్ధమని వెల్లడించారు. అందువల్ల అందులో ఉన్న వస్తువులను బట్టి బీమా కవరేజ్ ఇవ్వడం సాధ్యం కాదని స్పష్టం చేశారు. ఏదైనా నష్టం జరిగిన సమయంలో లాకర్ వార్షిక అద్దెకు 100 రెట్ల వరకు బ్యాంకులు పరిహారం చెల్లిస్తామని తెలిపారు.
AP: హైకోర్టులో 300 పోస్టుల భర్తీకి ఇవాళ్టి నుంచి దరఖాస్తులు ప్రారంభం కానున్నాయి. ఏప్రిల్ 19వ తేదీ వరకు https://aphc.gov.in/index.php వెబ్ సైట్లో దరఖాస్తు చేసుకోవచ్చు. కొన్ని పోస్టులకు 7వ తరగతి, మిగతా పోస్టులకు డిగ్రీ/బీటెక్/లా డిగ్రీ అర్హతలుండాలి. CBTతోపాటు స్కిల్ టెస్టు ఉంటుంది. దరఖాస్తు ఫీజు SC, ST, దివ్యాంగులకు రూ.400, మిగతా వారికి రూ.800. 18-42 ఏళ్ల మధ్య ఉండాలి.
ఏప్రిల్ 1 నుంచి పాన్ కార్డు రూల్స్ మారనున్నాయి. పాన్ కోసం అప్లయ్ చేసేటప్పుడు ఆధార్ కార్డుతోపాటు మరో ఒరిజినల్ డాక్యుమెంట్ సమర్పించాలి. డేట్ ఆఫ్ బర్త్ లేదా డ్రైవింగ్ లైసెన్స్ జత చేయాలి. మీ బ్యాంకు ఖాతాలో ఏడాదిలో రూ.10 లక్షలు డిపాజిట్ చేస్తే పాన్ చూపించడం తప్పనిసరి. రూ.5 లక్షల కన్నా ఎక్కువ విలువైన వాహనాన్ని కొనుగోలు చేస్తే పాన్ కార్డును సమర్పించాల్సి ఉంటుంది.
JEE మెయిన్ సెషన్-2 అడ్మిట్ కార్డులు విడుదలయ్యాయి. ఏప్రిల్ 2, 4వ తేదీల్లో పరీక్షలు జరగనున్నాయి. రెండు షిప్టుల్లో పేపర్-1 పరీక్ష నిర్వహించనున్నారు. ఉదయం 9 నుంచి మధ్యాహ్నం 12 గంటల వరకు మొదటి షిప్ట్, మధ్యాహ్నం 3 నుంచి సాయంత్రం 6 గంటల వరకు రెండో షిప్ట్ పరీక్ష జరగనుంది. విద్యార్థులు అధికారిక వెబ్సైట్లో అడ్మిట్ కార్డులు డౌన్లోడ్ చేసుకోవాలని అధికారులు సూచించారు.
TG: ప్రభుత్వ మెడికల్ కాలేజీల్లో 174 అసిస్టెంట్ ప్రొఫెసర్ పోస్టులకు సంబంధించిన మెరిట్ లిస్టును రిక్రూట్మెంట్ బోర్డు ఆదివారం విడుదల చేసింది. గైనకాలజీ, అనస్తీషియా, పీడియాట్రిక్స్, ఆర్థోపెడిక్స్ విభాగాల్లో జాబితాను వెల్లడించింది. APR 1న HYDలోని ఇండియన్ ఇన్స్టిట్యూట్ ఆఫ్ హెల్త్ అండ్ ఫ్యామిలీ వెల్ఫేర్ కార్యాలయంలో వెరిఫికేషన్ నిర్వహించనున్నారు.
భారత సైన్యానికి అదానీ డిఫెన్స్ 2,000 ప్రహార్ 7.62 ఎంఎం లైట్ మెషిన్ గన్లను అందజేసింది. ఈ గన్ల డెలివరీతో మన దేశంలో తేలికపాటి మెషిన్ గన్లను దేశీయంగా తయారు చేసి సరఫరా చేసిన తొలి ప్రైవేటు రంగ సంస్థగా అదానీ డిఫెన్స్ నిలిచింది. మధ్యప్రదేశ్లోని గ్వాలియర్లో ఉన్న కంపెనీకి చెందిన చిన్న ఆయుధాల తయారీ కేంద్రంలో ఈ ఆయుధాలను తయారు చేశారు.
AP వైద్య విద్య విభాగం(DME)లో 284 సీనియర్ రెసిడెంట్ పోస్టులకు దరఖాస్తు ప్రక్రియ నేటితో ముగియనుంది. పోస్టులను బట్టి MD/MS, DNBలో ఉత్తీర్ణతతో పాటు AP మెడికల్ కౌన్సిల్లో రిజిస్టర్ అయినవారు అప్లై చేసుకోవచ్చు. ఎంపికైనవారికి నెలకు రూ.80,500 గౌరవ వేతనం ఉంటుంది. దరఖాస్తు ఫీజు రూ.2000. BC/SC/STలకు రూ.1000. పూర్తి వివరాల కోసం ఇక్కడ క్లిక్ చేయండి.
RRB టెక్నీషియన్ గ్రేడ్-I పోస్టుల ప్రాథమిక కీను విడుదల చేసింది. అధికారిక వెబ్సైట్లో కీతో పాటు ప్రశ్నపత్రం, రెస్పాన్స్షీట్లను అందుబాటులో ఉంచింది. అభ్యర్థులు కీ పై అభ్యంతరాలుంటే రూ.50 చెల్లించి ఏప్రిల్ 06 వరకు తెలువవచ్చు. అలాగే.. మార్చి 6, 9, 10 తేదీల్లో గ్రేడ్-III పరీక్షలు జరగగా ఇటీవలే ప్రాథమిక కీ విడుదల చేసింది.
