సికింద్రాబాద్‌లోని అల్వాల్ పోలీస్ స్టేషన్ పరిధిలో ఓ సాఫ్ట్ వేర్ యువతి(26) తన కొత్త కారు(car)తో నానా హంగామా సృష్టించింది. ఆ క్రమంలో రోడ్డు పక్కన ఉన్న చెరుకు రసం బండి, టిఫిన్ సెంటర్ బండితోపాటు బైక్ కూడా పూర్తిగా ధ్వంసమయ్యాయి. ఈ ఘటన అల్వాల్‌లోని మిలటరీ డెయిరీ ఫామ్‌ రోడ్డులోని సుభాష్‌నగర్‌లో నిన్న రాత్రి చోటుచేసుకుంది. ఘటనలో ఒకరు మృతి చెందగా, మరో ముగ్గురు వ్యక్తులు గాయపడ్డారు.
ఇది కూడా చూడండి: TSRTC Bus: బస్సుతో యువకుడి స్టంట్.. హెచ్చరించిన సజ్జనార్..!
కానాజిగూడకు చెందిన శివాని(26) సాఫ్ట్‌వేర్ ఇంజినీర్‌గా పనిచేస్తోంది. నిన్న రాత్రి తన కొత్త కారుతో బయటకు వెళ్లిన శివాని తిరుమలగిరి నుంచి మిలటరీ డెయిరీ ఫారం వైపు వెళుతోంది. ఆ క్రమంలో ఓ వ్యక్తి కారుకు ఎదురుగా రావడంతో కారు నడుపుతున్న ఆమె బ్రేక్‌కు బదులు యాక్సిలరేటర్‌ను తొక్కింది. దీంతో కారు అదుపు తప్పి రోడ్డు పక్కకు దూసుకెళ్లింది.
ఆ క్రమంలో శివాని మొదట ఓ వ్యక్తిని ఢీకొట్టంది(accident). ఆ తర్వాత రోడ్డు పక్కన ఉన్న చెరుకు బండి, టిఫిన్ సెంటర్, కరెంట్ పోల్ ను ఢీకొట్టడంతో పాటు పక్కనే బైక్‌పై నిలబడి ఉన్న స్విగ్గీ డెలివరీ బాయ్‌ను కార్ వేగంగా వచ్చి తాకింది. దీంతో వారిని స్థానికులు వెంటనే స్థానిక ఆసుపత్రికి తరలించగా, చికిత్స పొందుతూ ఓ వ్యక్తి మృతి చెందాడు. ఈ ప్రమాద ఘటనపై కేసు నమోదు చేసుకున్న పోలీసులు శివానిని అరెస్ట్ చేసి దర్యాప్తు ప్రారంభించారు.
ఇది కూడా చూడండి: Breaking: హైదరాబాద్ హైకోర్టు గేట్ దగ్గర యువకుడి హత్య
