యూపీ (UP)లో అధికార బీజేపీ ఏర్పాటు చేసిన ఓ కార్యక్రమం రసాభాసగా మారింది. ఈ కార్యక్రమానికి వచ్చిన మహిళా కార్యకర్తలు పొట్టు పొట్టుగా సిగాలు పట్టుకొని మరి కొట్టుకున్నారు.రాష్ట్రంలోని జాలౌన్ జిల్లాలో బీజేపీ (BJP) నారీశక్తి వందన్ సమ్మేళన్ కార్యక్రమం నిర్వహించింది. ఈ కార్యక్రమానికి పార్టీకి చెందిన మహిళా కార్యకర్తలు పెద్ద సంఖ్యలో హాజరయ్యారు. ఇంతలో ఏంజరిగిందో తెలియదు కానీ ఇద్దరు మహిళల మధ్య ఫైట్ మొదలైంది. కోపం పట్టలేక ఓ మహిళ మరో మహిళ జుట్టు పట్టుకుని కిందపడేసి కొట్టడం మొదలుపెట్టింది. దీంతో మిగతా మహిళలు (Women) బాధితురాలికి సహాయంగా వచ్చారు.
చదవండి : Chandrababu: చంద్రబాబు కోసం పెళ్లి పీటలపై నిరసన
దాడి చేస్తున్న మొదటి మహిళపై పిడిగుద్దులు కురిపించారు.నలుగురు మహిళలు చుట్టూ మూగి కొట్టారు. ఓ యువకుడు కూడా మహిళపై దాడి చేయడం వీడియో(Video)లో కనిపిస్తోంది. ఇదంతా అక్కడే ఉన్న ఓ యువకుడు తన సెల్ ఫోన్ కెమెరాలో రికార్డు చేసి సోషల్ మీడియాలో పోస్టు చేశాడు. దీంతో వీడియో కాస్తా వైరల్ గా మారింది. ఈ ఘటనపై పోలీస్ ఉన్నతాధికారులు స్పందిస్తూ.. ఘటనపై విచారణ జరిపించి, చర్యలు తీసుకుంటామని తెలిపారు.దీనికి సంబంధించిన ఓ వీడియో ఇప్పుడు సోషల్ మీడియా(Social media)లో వైరల్ గా మారింది. అయితే, సదరు మహిళా కార్యకర్తలు ఎందుకు కొట్టుకున్నారు, గొడవకు కారణమేంటనే వివరాలు తెలియరాలేదు. నడివీధిలో మహిళలు జుట్టు పట్టుకుని మరీ కొట్టుకోవడం స్థానికంగా కలకలం సృష్టించింది.
చదవండి : Airlines : ఎయిర్ ఇండియా ఎక్స్‌ప్రెస్ నయా లుక్ అదుర్స్
यूपी के जालौन में BJP महिला कार्यकर्ताओं के बीच हुआ बवाल। pic.twitter.com/IreajJFgCI
— Priya singh (@priyarajputlive) October 18, 2023
