విమాన ప్రయాణమంటే చిరాకు తెప్పించేలా ప్రయాణికుల వ్యవహారం కొనసాగుతోంది. మొన్న విమానంలో మూత్ర విసర్జన ఘటన మరువకముందే మరో సంఘటన జరిగింది. ఈసారి ఢిల్లీ- హైదరాబాద్ స్పైస్ జెట్ విమానంలో రచ్చ జరిగింది. ఓ ప్రయాణికుడు విమాన సిబ్బందితో దురుసుగా ప్రవర్తించాడని తెలుస్తోంది. దీనికి సంబంధించిన వీడియో బయటకు వచ్చింది. అనుచితంగా ప్రవర్తించిన వారిని కిందకు దించేసి విమానం యథావిధిగా బయల్దేరింది. ఈ సంఘటన జరిగిన రోజే బహిర్గతం కావడం విశేషం.
స్పైస్ జెట్ ఎస్జీ-8133 విమానం సోమవారం (ఈనెల 23) ఢిల్లీ నుంచి హైదరాబాద్ కు బయల్దేరింది. అయితే ఓ ప్రయాణికుడు ఏదో విషయమై విమాన సిబ్బందితో వాగ్వాదానికి దిగాడు. తోటి ప్రయాణికులు కూడా రచ్చ చేశారని సమాచారం. ఈ సమయంలో మహిళా ఉద్యోగులపై అనుచిత ప్రవర్తన చేశారని సమాచారం. విడుదలైన వీడియోలో ఓ పెద్దాయన సిబ్బందిపై ఆగ్రహం వ్యక్తం చేస్తూ కనిపించాడు. అయితే అనుచితంగా ప్రవర్తించిన వ్యక్తితో పాటు మరో వ్యక్తిని కూడా విమానం నుంచి దించేసినట్లు స్పైస్ జెట్ వెల్లడించింది. వెంటనే భద్రతా సిబ్బందికి వారిని దింపినట్లు తెలిపింది. అయితే ఇలాంటి ఘటనలు విమానాలు జరిగిన వెంటనే చెప్పాలని డీజీసీఏ ఆదేశాలు ఇవ్వడంతో ఘటన జరిగిన రోజే స్పైస్ జెట్ బహిర్గతం చేసింది.
#WATCH | "Unruly & inappropriate" behaviour by a passenger on the Delhi-Hyderabad SpiceJet flight at Delhi airport today
The passenger and & a co-passenger were deboarded and handed over to the security team at the airport pic.twitter.com/H090cPKjWV
— ANI (@ANI) January 23, 2023
