మిల్క్ బ్యూటీ పాయల్ రాజ్‌పుత్(Payal Rajput) RX100 చిత్రంతో ఓవర్‌నైట్ సెన్సేషన్ అయ్యింది. మరోవైపు అజయ్ భూపతి(Ajay Bhupathi) దర్శకత్వం వహించిన ఈ చిత్రం యువతను పెద్ద ఎత్తున ఆకట్టుకుంది. అంతేకాదు బాక్సాఫీస్ వద్ద ఆ చిత్రం బ్లాక్ బస్టర్ హిట్‌గా నిలిచింది. ఈ క్రమంలో ఈ చిత్రం పాయల్ రాజ్‌పుత్‌కి తన కెరీర్‌లో కొత్త జీవితాన్ని ఇచ్చిందని చెప్పవచ్చు. దీంతోపాటు అనేక సినిమాల్లో కూడా పాయల్ కు మంచి అవకాశాలు వచ్చాయి.
అయితే ఈ ఇద్దరి కాంబోలో మళ్లీ వస్తున్న రెండో చిత్రం మంగళవారం(Mangalavaram). ఈ మూవీ ఫస్ట్ లుక్ పోస్టర్ ను ఈరోజు(ఏప్రిల్ 25) రిలీజ్ చేశారు. పోస్టర్ చూస్తే మాత్రం సినిమాపై మరింత ఆసక్తి పెరుగుతుంది. ఫస్ట్ లుక్ పోస్టర్లో పాయల్ రాజ్‌పుత్ సగం నగ్నంగా ఉండి.. తన వీపు మొత్తం ఎక్స్‌పోజ్ చేస్తోంది. మరోవైపు ఆమె కళ్ళలో నీళ్ళు, ఆమె వేలిపై సీతాకోకచిలుక ఉంది. వీటిని చూస్తుంటే ఈ చిత్రం మరో థ్రిల్లర్‌గా ఉండబోతోందనే అనుమానం వస్తుంది. విశేషమేమిటంటే అజయ్ భూపతి ఈ సినిమాతో నిర్మాతగా కూడా మారారు. ముద్ర మీడియా వర్క్స్‌పై స్వాతి గునుపాటి, సురేష్ వర్మతో కలిసి మంగళవరం చిత్రాన్ని నిర్మిస్తున్నారు.
ఇది కూడా చూడండి: Anchor Suma: సుమ గొంతు పట్టుకున్న టాలీవుడ్ హీరో!
అతి తక్కువ బడ్జెట్‌తో రూపొందుతున్న ఈ విలేజ్ థ్రిల్లర్‌లో పాయల్ రాజ్‌పుత్ కీలక పాత్రలో కనిపించనుంది. ఆర్‌ఎక్స్ 100 తర్వాత అజయ్ భూపతి మరోసారి పాయల్ కోసం చాలా బోల్డ్ రోల్‌ని డిజైన్ చేశాడనే చెప్పవచ్చు. కాంతారావు ఫేమ్ అజనీష్ లోక్‌నాథ్ ఈ చిత్రానికి సంగీతం అందించనున్నారు. ఈ ప్రాజెక్ట్‌కి సంబంధించిన మరిన్ని వివరాలు త్వరలో వెలువడనున్నాయి.
కానీ దర్శకుడు అజయ్ భూపతి రెండో సినిమా మహాసముద్రం బాక్సాఫీస్ వద్ద బోల్తా కొట్టింది. ఈ చిత్రంలో శర్వానంద్, సిద్ధార్థ్ ప్రధాన పాత్రలు పోషించారు. అజయ్ కొద్దిసేపు విరామం తీసుకున్నాడు. ఇప్పుడు తన కొత్త చిత్రం మంగళవరంతో సిద్ధంగా ఉన్నాడు. మరోసారి పాయల్ రాజ్‌పుత్‌తో జతకట్టాడు. మరి హిట్టు కొడతాడో లేదో చూడాలి.
ఇది కూడా చూడండి: Sam సెలబ్రిటీ క్రష్: సాయిధరమ్ తేజ్
