Arjun Kalyan Made Sensational Comments On Bigg Boss
Arjun Kalyan: బిగ్ బాస్ తెలుగు సీజన్ 7 అంతా ఉల్టా పుల్టా.. ఈ సారి చిత్ర, విచిత్రంగా గేమ్ ఉంది. వెరైటీ కోసం ఆదివారం నయని పావని హౌస్ నుంచి ఎలిమినేట్ చేశారు. దీంతో ఒక్కటే రచ్చ.. అంతా ఫేక్ అని, ఎలిమినేషన్ ఏంటీ అని ఒక్కటే చర్చ.. కంటెస్టెంట్లు అయితే ఏడ్చేశారు కూడా. హోస్ట్ నాగార్జున కూడా చేసేదేమీ లేదు. అంతా బిగ్ బాస్ చేప్పినట్టు నడుచుకున్నారు. హౌస్ నుంచి నయని పావనిని ఎలిమినేట్ కావడాన్ని మాజీ కంటెస్టెంట్ ఒకరు ఘాటుగా స్పందించారు.
చదవండి: Mahesh Babu: మూవీ ఫెయిల్ అయితే ఒత్తిడికి గురవుతా..?
బిగ్ బాస్-6లో అర్జున్ కల్యాణ్ (Arjun Kalyan) ఆడారు. మంచి పేరు కూడా తెచ్చుకున్నాడు. ఈ సీజన్ చూస్తోన్న అర్జున్.. నయని ఎలిమినేషన్ ప్రక్రియను తప్పుపట్టాడు. దీంతో బిగ్ బాస్ షో విలువ పోయిందన్నాడు. ఎలిమినేషన్ ప్రక్రియలో లోపాలు ఉన్నాయని.. ఇది తనను బాధకు గురిచేసిందన్నారు. వైల్డ్ కార్డ్ ఎంట్రీ ద్వారా హౌస్‌లోకి వచ్చిన నయని.. చాలా యాక్టివ్‌గా ఉందన్నారు. ఆరు రోజుల్లో చక్కగా ఆడిందని పేర్కొన్నారు. ఆమెకు అలా జరగడం కరెక్ట్ కాదన్నాడు. దీంతో బిగ్ బాస్ క్రెడిబిలిటీ దెబ్బతిందని.. షో నిర్వాహకులకు భారీ నష్టం కలుగనుందని పేర్కొన్నారు.
బిగ్ బాస్ హౌస్‌లో ప్రేక్షకులు వేసే ఓటింగ్, కంటెస్టెంట్ల ఎలిమినేషన్‌కు ఎలాంటి సంబంధం లేదని సంచలన విషయం రివీల్ చేశాడు. జనాలు ఇప్పటికైనా అర్థం చేసుకోవాలని కోరాడు. బిగ్ బాస్ అన్ని సీజన్లకు సంబంధించి ఓటింగ్, ఎలిమినేషన్ వివరాలు ఇవ్వాలని ఎవరైనా కోర్టులో పిల్ వేయాలని కోరాడు. ఓట్ల వల్లే నిర్ణయాలు తీసుకుంటామని చెబుతూ.. ఇలా చేయడం కరెక్ట్ కాదని అంటున్నాడు. ఇలా ఎలిమినేట్ చేసి టీఆర్పీ తెచ్చుకుంటున్నారని గుర్తుచేశాడు.
బిగ్ బాస్ అగ్రిమెంట్ సీక్రెట్ కూడా రివిల్ చేశాడు. అగ్రిమెంట్‌లో ఒక క్లాజ్ ఉంటుంది. హౌస్‌లో కంటెస్టెంట్‌ను ఎప్పుడైనా, ఎలాగైనా, ఎలాంటి కారణం చెప్పకుండా ఎలిమినేట్ చేసే అధికారం షో నిర్వాహకులకు ఉంటుందనే విషయాన్ని తెలిపాడు. ఎలిమినేషన్స్ అనేవి ఓటింగ్ వాళ్ల కాకుండా.. వారు ఏ స్థాయిలో ఎంటర్ టైన్ చేస్తున్నారనే అంశాన్ని పరిగణలోకి తీసుకుంటారని పేర్కొన్నారు. లాస్ట్ ఇయర్ అగ్రిమెంట్ మీద సంతకం చేసినందున అతను ఏం మాట్లాడలేదు. ఈ సారి నయని పావని ఇష్యూ మీద రియాక్ట్ అయ్యారు. దీంతో అసలు విషయం వెలుగులోకి వచ్చింది. మరి దీనిపై బిగ్ బాస్ నిర్వాహకులు ఏ మేరకు స్పందిస్తారో చూడాల్సి ఉంది.
