ycp-leader-ambati-rambabu-criticizes-chandrababu-naidu?
Ambati Rambabu: ఏపీలో రాజకీయం హీట్ ఎక్కింది. ఈ ఎన్నికల్లో బీజేపీ(BJP), టీడీపీ(TDP), జనసేన(Janasena) పొత్తు ఖరారైన విషయం తెలిసిందే. తాజాగా ఈ కూటమిపై వైసీపీ(YCP) లీడర్లు పలు విమర్శలు చేశారు. బీజేపీతో టీడీపీ పొత్తు పెట్టుకోవడంపై వైసీపీ నేత అంబటి రాంబాబు(Ambati Rambabu) త‌న‌దైన శైలిలో ఎక్స్ వేదికగా వ్యంగ్యాస్త్రాలు గుప్పించారు. టీడీపీ అధికారంలో ఉన్న సమయంలో ప్రధాని మోడీ గురించి నారా చంద్రబాబు నాయుడు చేసిన వ్యాఖ్యలను గుర్తు చేశారు. ఈ సందర్భంగా ఏపీ ప్రజలకు చెబుతున్నట్లు ఇప్పటికైనా అర్థం అయిందా అని ట్వీట్ చేశారు.
చదవండి:EC : సొంత టీవీ ఛానళ్లలో ప్రచారమూ ఎన్నికల వ్యయమే : ఏపీ సీఈఓ
ఏపీకి ప్రత్యేక హోదా కల్పించడంలో కేంద్ర ప్రభుత్వం నిర్లక్ష్య ధోరణితో వ్యవహరిస్తోందని 2019కి ముందు అధికారంలో ఉన్న చంద్రబాబు ఆరోపించారు. ఆ సమయంలో ప్రధాని మోదీని టెర్రరిస్ట్ అని కూడా అన్నారు. నోటికి వచ్చినన్ని మాటలు అన్నారు. కానీ ఎవరినైతే టెర్రరిస్ట్ అని అన్నాడో ఇప్పుడు ఆ టెర్రరిస్ట్ కాళ్ళనే పట్టుకుంటున్నాడు. అందితే జుట్టు.. అందకపోతే కాళ్ళు.. ఇదీ బాబు గారి నైజం అర్దమయ్యిందా.. అంటూ అంబటి రాంబాబు త‌న ఎక్స్‌లో రాసుకొచ్చారు. దీనిపై టీడీపీ కార్యకర్తలు కూడా రీట్వీట్స్ చేస్తున్నారు.
అప్పుడు టెర్రరిస్ట్ అన్నాడు !
ఇప్పుడు కాళ్ళు పట్టుకున్నాడు !అందితే జుట్టు
అందకపోతే కాళ్ళుఇదీ బాబు గారి నైజం!
అర్దమయ్యిందా !@ncbn @PawanKalyan @narendramodi @BJP4India @AmitShah— Ambati Rambabu (@AmbatiRambabu) March 16, 2024
