Kommareddy Pattabhiram: సీఎం జగన్‌పై రాయి దాడి జరిగిన సంగతి తెలిసిందే. అయితే ఈ రాయి దాడి డ్రామాకు తాడేపల్లి ప్యాలెస్‌లో ముందు స్క్రిప్ట్ రాశారని టీడీపీ నేత కొమ్మారెడ్డి పట్టాభిరామ్ ఆరోపించారు. ఈ డ్రామాలో జగన్ హీరో, ఎమ్మెల్యే వెలంపల్లి సైడ్ హీరో అని ఎధ్దేవా చేశారు. ఎవరి పాత్రలను వాళ్లు అద్భుతంగా పోషించారన్నారు. ఎన్నికల్లో సానుభూతి పొందేందుకు దాడి చేయించుకుని టీడీపీపై బురదజల్లుతున్నారని మండిపడ్డారు.
ఇది కూడా చూడండి: Gmail: జీ-మెయిల్‌లో లార్జ్‌ ఫైల్స్‌ను సెండ్‌ చేయడం ఎలా?
ప్రజల ఛీత్కారాలతో ఎన్నికల్లో ఓటమి తప్పదని గ్రహించే సానుభూతి కోసం కోడికత్తి తరహాలో డ్రామా ఆడారు. సీఎం కాన్వాయ్‌లో అంబులెన్స్ ఉన్నప్పుడు అక్కడికి తీసుకెళ్లకుండా బస్సులోకి ఎందుకు తీసుకెళ్లారు? అందులో కూర్చోబెట్టి ప్లాస్టర్ వేస్తున్న దృశ్యాలను ప్రసారం చేశారు. కానీ అంబులెన్స్‌ను ఎందుకు ఉపయోగించుకోలదు? దీనికి సమాధానం చెప్పాలని పట్టాభిరామ్ డిమాండ్ చేశారు.
