he-said-that-he-did-not-know-where-to-go-ambatis-criticism-of-pawan
Ambati Rambabu: ఏపీ మంత్రి అంబటి రాంబాబు పోస్టులు గురించి తెలిసిందే. దేని గురించి చెప్పాలన్నా తన ఎక్స్ ఖాతా వేదికగా వినుత్నంగా స్పందిస్తారు. తాజగా జనసేనాని పవన్ కల్యాణ్ తనదైన స్టైల్‌లో మరోసారి విమర్శలు చేశారు. పవన్ కల్యాణ్ నటించిన అత్తారింటికి దారేది చిత్రంలోని ఓ డైలాగ్‌ను పేరడీ చేసి ట్వీట్ చేశారు. ఎక్కడ నెగ్గాలో తెలియనోడు.. ఎక్కడ తగ్గాలో అస్సలు తెలియనోడు’ అంటూ అంబటి చేసిన ట్వీట్ ప్రస్తుతం సోషల్ మీడియాలో వైరల్ అవుతోంది. ఆంధ్రప్రదేశ్‌ రాజకీయాల్లో వైసీపీ, టీడీపీ, బీజేపీ కూటమి సీట్ల సర్దుబాటు చర్యలు కొనసాగుతున్నాయి. ఈ నేపథ్యంలో పవన్ కల్యాణ్ ఇప్పటి వరకు ఏ నియోజక వర్గం నుంచి పోటీ చేస్తారన్నది ప్రకటించలేదు. దీంతో అంబటి ఈ వ్యాఖ్యలు చేశారు. దీనిపై జనసేన శ్రేణులు సైతం అంతే స్థాయిలో కౌంటర్ ఇస్తున్నారు. ఇటీవల సిద్ధం సభలో అంబటి రాంబాబు మాట్లాడుతూ.. సీఎం జగన్ మోసగాడంటూ నోరుజారాడు. ఈ వీడియో క్లిప్పింగ్‌ను ఆయనకు కామెంట్ చేశారు.
చదవండి:kodi katti srinu : అమలాపురం నుంచి కోడి కత్తి శ్రీను ఎమ్మెల్యేగా పోటీ!
‘పోలవరం పూర్తి చేయలేని అసమర్థుడు, కేంద్ర పథకంలో భాగంగా సొంత జిల్లాలో 60% ఇళ్ళకి కొళాయి కనెక్షన్లు ఇవ్వలేని అసమర్థుడు.. శవం దగ్గర చిల్లర ఏరుకోవడంలో ఆరితేరినవాడు’ అంటూ అంబటి రాంబాబుకు ఓ యూజర్ కామెంట్ పెట్టాడు. ఎక్కడ ముంచాలో తెలిసినోడు, ఎక్కడ ఏసేయాలో ఇంకా బాగా తెలిసినోడు ఎవడు? అంటూ మరో నెటిజన్ కామెంట్ చేశాడు. ఎక్కడ తగ్గాలో తెలిసినవాడు, దృఢ సంకల్పం ఉన్నవాడు, మంచిపాలన కోసం ఏమిచెయ్యాలో తెలిసినవాడు అంటూ పవన్‌కు మద్దతుగా మరో యూజర్ పోస్ట్ పెట్టారు. అలాగే వజ్రాయుధం తయారీకి వెన్నుపూస త్యాగం చేసిన దధీచి మహర్షిని తలపించాడు పవన్ కల్యాణ్, జగనాసురుడి పాలన అంతానికి తనపార్టీ సీట్లు త్యాగం చేసిన జనసేనాని అంటూ మరో యూజర్ కామెంట్ పెట్టాడు. ప్రస్తుతం ఈ ట్వీట్ నెట్టింట్లో తెగ వైరల్ అవుతుంది.
చదవండి:AP Politics: ఏపీలో ఇద్దరు ఎమ్మెల్సీలపై అనర్హత వేటు
