Ambedkar Statue: విజయవాడ స్వరాజ్య మైదానంలో స్మృతి వనం, అంబేద్కర్ విగ్రహావిష్కరణ కార్యక్రమం జరగనుంది. ఈ కార్యక్రమంలో ముఖ్యమంత్రి జగన్ పాల్గొంటారు. 81 అడుగుల ప్లాట్‌ఫారమ్‌తో 125 అడుగులతో రూ. 400 కోట్ల నిధులతో నిర్మించిన అంబేద్కర్ విగ్రహం ఆవిష్కరణకు సిద్ధమైంది. ఈ నెల 19న సాయంత్రం 4 గంటలకు సీఎం జగన్ ఆవిష్కరించనున్నారు. జనవరి 20 నుంచి సందర్శకులను అనుమతిస్తామని.. పర్యాటకులను ఆకర్షించేందుకు లోపల ఆడిటోరియం, కన్వెన్షన్ సెంటర్, మ్యూజియం ఏర్పాటు చేశారు. తొలిరోజు 1.20 లక్షల మంది వస్తారని ప్రభుత్వం అంచనా వేస్తోంది. విగ్రహావిష్కరణ, స్మృతి వనం సందర్భంగా వైసీపీ పలు కార్యక్రమాలు చేపట్టింది. తాడేపల్లిలోని వైసీపీ కేంద్ర కార్యాలయం నుంచి బైక్ ర్యాలీ ప్రారంభమవుతుంది.
చదవండి:Adani Group: తెలంగాణలో రూ.12400 కోట్ల పెట్టుబడులు పెట్టనున్న అదానీ గ్రూప్
థ్యాంక్యూ సీఎం సార్ అంటూ ప్లకార్డులు పట్టుకుని అంబేద్కర్ విగ్రహం వరకు పార్టీ శ్రేణులు బైక్ ర్యాలీ నిర్వహించనున్నారు. మరోవైపు వైసీపీ నాలుగో జాబితాపై కసరత్తు సాగుతోంది. అసెంబ్లీ ఎన్నికల్లో పోటీ చేసే అభ్యర్థుల నాలుగో జాబితాను విడుదల చేసేందుకు వైసీపీ ప్రయత్నాలు చేస్తోంది. ఈరోజు లేదా రేపు 4వ జాబితా వెలువడే అవకాశం ఉందని వైసిపి వర్గాలు చెబుతున్నాయి. 15 నుంచి 20 సీట్లతో 4వ జాబితా విడుదల చేయవచ్చని అంటున్నారు. ఈ సందర్భంగా జాబితాపై చర్చించేందుకు ఇవాళ కొందరు ఎమ్మెల్యేలు, ఎంపీలు సీఎం క్యాంపు కార్యాలయానికి రానున్నట్లు తెలుస్తోంది. సంక్రాంతి పండుగ కారణంగా అభ్యర్థుల మార్పులు, చేర్పుల కసరత్తుకు మూడు రోజుల పాటు అంతరాయం ఏర్పడింది. నేటికీ చర్చలు కొనసాగుతున్నట్లు సమాచారం.
చదవండి:Odissa : జగన్నాథ్ హెరిటేజ్ కారిడార్‌ను ప్రారంభించిన సీఎం పట్నాయక్
