మెగాస్టార్ చిరంజీవి(Megastar Chiranjeevi) ప్రజలకు అనేక రకాల సేవా కార్యక్రమాలు నిర్వహిస్తున్న సంగతి తెలిసిందే. ఇప్పటికే ఐ బ్యాంక్(Eye Bank), బ్లడ్ బ్యాంక్(Blood Bank) ద్వారా ఎంతో మంది జీవితాల్లో వెలుగులు నింపారు. కరోనా కాలంలో పేదల కోసం ఆక్సిజన్ బ్యాంకు(Oxygen Bank)ను ఏర్పాటు చేశారు. ఆయన కుడి చేత్తో చేసిన సాయం ఎడమ చేతికి కూడా తెలియదని అనుకుంటూ ఉంటారు. అందుకే ఆయన చేసిన సాయం ఎవ్వరికీ చెప్పరు. అయితే సాయం అందుకున్నవారు మాత్రం ఆ విషయాలను బయటకు చెబుతుంటారు. అలా మెగాస్టార్ సాయం చేసినవారిలో విలన్ పొన్నాంబలం(Ponnambalam) కూడా ఒకరు.
పొన్నాంబలం ఎమోషనల్ వీడియో:
నా ఆరోగ్యం క్షీణిస్తున్న టైంలో ఎవరినడగాలో తెలియక @KChiruTweets గారినడిగితే 1 లక్షో, 2లక్షలో సహాయం చేస్తారనుకుంటే – నేనున్నా అని చెప్పి 5ని||లో దగ్గరలో ఉన్న అపోలో కి వెళ్ళమని అడ్మిట్ అవ్వమన్నారు – అక్కడ నన్ను ఎంట్రీ ఫీస్ కూడా అడగలేదు
మొత్తం 40లక్షలయ్యంది ఆయనే చూస్కున్నారు🙏 pic.twitter.com/HHdBcSiwPm
— 𝙺𝙰𝙺𝙸𝙽𝙰𝙳𝙰 𝙼𝙴𝙶𝙰 𝙳𝙴𝚅𝙾𝚃𝙴𝙴 (@Gowtham__JSP) March 15, 2023
తెలుగు, తమిళం సినిమాల్లో విలన్ వేషాలు వేసి పొన్నాంబలం(Ponnambalam) ఫేమస్ అయ్యారు. కన్నడ, మలయాళంలోనూ పలు చిత్రాల్లో ఆయన నటించారు. మెగాస్టార్ (Megastar Chiranjeevi) నటించిన ఘరానా మొగుడు, మెకానిక్ అల్లుడు, ముగ్గురు మొనగాళ్లు, హిట్లర్ వంటి సినిమాల్లో పొన్నాంబలం నటించి మెప్పించారు. గత ఏడాది ఆయన తీవ్ర అనారోగ్యం బారిన పడ్డారు. ఆయనకు రెండు కిడ్నీలు పూర్తిగా పాడై ఆస్పత్రి పాలయ్యాడు.
చదవండి: BRO Movie: ‘బ్రో’లో మార్కండేయులుగా సాయి ధరమ్ తేజ్.. ఫస్ట్ లుక్, మోషన్ పోస్టర్ రిలీజ్
పొన్నాంబలం(Ponnambalam) చికిత్స తీసుకుంటున్న సమయంలో సాయం కోసం చాలా మందిని సంప్రదించారు. ఇటీవలె ఆయన కోలుకున్నారు. ఓ ఇంటర్వ్యూలో ఆయన మెగాస్టార్ చిరంజీవి(Megastar Chiranjeevi) గురించి చెబుతూ ఎమోషనల్ అయ్యారు. తన వైద్యం కోసం రూ.40 లక్షలు ఆర్థిక సాయం చేశారంటూ చెప్పుకొచ్చారు. తాను బతికి ఉన్నానంటే అందుకు చిరంజీవే కారణమని, సాయం అడిగితే 2 లేదా 3 లక్షలు సాయం చేస్తారనుకున్నాను కానీ ఏకంగా రూ.40 లక్షలు సాయం చేశారని చెప్పుకొచ్చారు. ఆ దేవుడే చిరంజీవి రూపంలో వచ్చి బతికించాడని ఎమోషనల్ అయ్యారు. ప్రస్తుతం ఆయన వీడియో సోషల్ మీడియాలో వైరల్(Video Viral) అవుతోంది.
చదవండి: Heroine డింపుల్ ను డీసీపీ వేధించాడు.. అసలు జరిగింది ఇది: లాయర్
చదవండి: Urvashi Rautela: మొన్న బల్లి నక్లెస్.. నేడు ఈకల డ్రెస్సులో ఊర్వశి..!
