ఏదిఏమైనా మన సీనియర్ హీరోల స్పీడే వేరు.. వారి రూటే సెపరేటు. మెగాస్టార్ చిరంజీవి నటిస్తున్న విశ్వంభర సినిమా షూటింగ్ అప్పుడే చివరి దశకు చేరుకుంది. గత ఏడాది నవంబర్ చివర్లో ఈ సినిమా రెగ్యులర్ షూటింగ్ ప్రారంభమైన సంగతి తెలిసిందే. రీసెంట్ గా పూర్తయిన షెడ్యూలుతో టాకీ పార్టీ మొత్తం పూర్తయింది అనే అప్డేట్ కు అభిమానులు షాక్ అయ్యారు.
విశ్వంభర సోషియో ఫాంటసీ సినిమా. సాధారణంగా ఇలాంటి చిత్రాలకు షూటింగ్ ప్రాసెస్ కాస్త ఎక్కువగానే ఉంటుంది. ఈతరం స్టార్ హీరోలు, డైరెక్టర్లు ఇలాంటి సబ్జక్ట్స్ షూటింగ్ కు సుమారు ఏడాదిన్నర తీసుకుంటున్నారు.
ఇంకా 3 పాటలు, ఒక యాక్షన్ సీక్వెన్స్ మాత్రమే విశ్వంభర కు మిగిలివున్న వర్క్. ప్రస్తుతం వాటికి సంబందించిన సెట్ వర్క్ జరుగుతుంది. ఆగస్టు నెలాఖరుకు సినిమా షూటింగ్ పూర్తి చేసి తరువాత పోస్ట్ ప్రొడక్షన్ వర్క్స్ చేయాలనేది యూనిట్ ప్లాన్. జనవరి 10 సంక్రాంతి కానుకగా విశ్వంభర రిలీజ్ కాబోతుంది. గత ఏడాది వాల్తేరు వీరయ్యతో చిరాంజీవి భారీ విజయాన్ని అందుకున్న సంగతి తెలిసిందే.
ఈ సినిమాలో త్రిష కథానాయకి, ఆషిక రంగనాథన్ ప్రత్యేకపాత్రలో నటిస్తుంది. బింబిసార ఫేమ్ వసిస్ట్ ఈ సినిమా డైరెక్టర్. ఎం ఎం కీరవాణి స్వరాలు సమకూరుస్తున్నారు. మెగాస్టార్ బర్త్డే అయినా ఆగష్టు 22న ఈ సినిమా కి సంబందించిన ఫస్ట్ టీజర్ రావొచ్చని సమాచారం.
