Megastar 'Vishwambhara' villain fix!
Chiranjeevi: ప్రస్తుతం మెగాస్టార్ చిరంజీవి ‘విశ్వంభర’ అనే సినిమాలో నటిస్తున్నారు. బింబిసార దర్శకుడు వశిష్ట దర్శకత్వంలో ఈ సినిమా తెరకెక్కుతోంది. జగదేక వీరుడు అతిలోక సుందరి, అంజి వంటి సినిమాల తర్వాత మెగాస్టార్ చేస్తున్న భారీ సోషియో ఫాంటసీ మూవీ ఇదే. దీంతో ఈ సినిమాపై అంచనాలు భారీగా ఉన్నాయి. చాలా ఏళ్లకు త్రిష ఈ సినిమాతో తెలుగులోకి రీ ఎంట్రి ఇస్తుండగా.. ఆషిక రంగనాథ్ లాంటి యంగ్ బ్యూటీస్ కీ రోల్ ప్లే చేస్తున్నారు. మెగాస్టార్ కెరీర్లోనే హైయెస్ట్ బడ్జెట్‌తో యూవీ క్రియేషన్స్ ఈ సినిమాను నిర్మిస్తోంది. అయితే.. ఈ సినిమాలో విలన్ ఎవరు? అనేది ఆసక్తికరంగా మారింది. తాజాగా దీనిపై క్లారిటీ ఇచ్చారు మేకర్స్. విశ్వంభరలో విలన్‌గా బాలీవుడ్‌ నటుడు కునాల్ కపూర్ ఎంట్రీ ఇచ్చినట్టుగా తెలిపారు.
చదవండి:Harom Hara Movie Review: హరోం హరా మూవీ రివ్యూ.. సుధీర్ బాబు హిట్ కొట్టాడా?
కునాల్ కపూర్ గతంలో తెలుగులో కొన్ని సినిమాల్లో ప్రత్యేక పాత్రల్లో నటించాడు. ఇక ఇప్పుడు విశ్వంభరలో ఛాన్స్ అందుకున్నాడు. ఇప్పటికే ఆయనతో కొన్ని సీన్స్ కూడా చిత్రీకరించారని సమాచారం. ప్రస్తుతం ఈ సినిమా షూటింగ్ శరవేగంగా జరుగుతోంది. వచ్చే ఏడాది సంక్రాంతి టార్గెట్‌గా జనవరి 10న రిలీజ్ అయ్యేలా దూసుకుపోతున్నారు మేకర్స్. ఈ సినిమా కోసం చిరు చాలా రిస్క్ చేస్తున్నారు. డూప్ లేకుండా తానే యాక్షన్ సీన్లను చేస్తున్నారు. ఇటీవలె హనుమాన్ బ్యాక్ డ్రాప్‌లో హై ఓల్టేజ్ ఇంటర్వెల్ సీన్ షూట్ చేసినట్టుగా చెబుతున్నారు. చివరగా భోళా శంకర్ వంటి డిజాస్టర్ ఇచ్చారు మెగాస్టార్. దీంతో విశ్వంభర పై భారీ అంచనాలు పెట్టుకున్నారు మెగాభిమానులు. మరి ఈ సోషియో ఫాంటసీ డ్రామా ఎలా ఉంటుందో చూడాలి.
చదవండి:Maharaja movie: విజయ్ సేతుపతి మహారాజ మూవీ ఎలా ఉందంటే
